Nkusi Arthur yahawe 'Master's' mu Bwongereza- AMAFOTO

Ni mu muhango wabaye kuri uyu wa Kane tariki 18 Nyakanga 2024, ubera Bwongereza. Ni ibyishimo by'inyongera kuri we!

Yifashishije konti ye ya Instagram, yashimye byimazeyo umugore we Fiona Muthoni Ntarindwa wamushyigikiye muri uri rugendo rw'amasomo ye. Abonye 'Masters' mu gihe anaherutse kwibaruka imfura ye n'umugore. 

Yagaragaje ko kugera kuri 'Masters' ari kimwe mu byo yifuzaga mu buzima bwe, kandi uyu munsi wabaye udasanzwe n'urwibutso mu buzima bwe. Yari amaze igihe yiga amasomo ya Global Digital Marketing aho yasoje muri University of Essex yashinzwe mu 1965.

Uyu mugabo yamenyekanye cyane mu itangazamakuru, cyane cyane ubwo yakoraga kuri Kiss FM. Ariko kandi azwi na benshi binyuze mu bitaramo bya Seka Live. Ni umwe mu Mpano zamuritswe na Mashirika ndetse yagiye akina muri filime, ikinamico, uramenya n'ibindi.

Ibyishimo ni byose kuri Nkusi Arthur nyuma y'uko ahawe 'Masters' mu Bwongereza 

Nkusi yashimye umugore we wamushyigikiye mu rugendo rw'amasomo

Nkusi Arthur yari amaze iminsi mu Bwongereza mu rwego rwo kwitabira umuhango watangiwemo impamyabumenyi ku banyeshuri

Nkusi yari amaze imyaka ibiri irenga akurikirana amasomo ye mu Bwongereza