Manchester United yamaze kurangizanya na rutahizamu ukomoka mu Buhorandi, Jossua Zirkzee, mu gihe ikipe y'igihugu ya Leta Zunze Ubumwe za Amerika n'u Budage, byifuza umutoza Jurgen Klopp.
Amakuru agezweho mu mikino avugwa ku isoko ry'igura n'igurisha, tuyahereye mu Kinyamakuru Independent cyanditse ko ikipe y'igihugu ya ya Leta Zunze Ubumwe za Amerika yifuza umutoza ukomoka mu Budage, Jurgen Klopp. USA irifuza Jurgen Klopp ngo asimbure Gregg Berhalter uherutse kwirukanwa.
Ikinyamakuru Athletic cyagarutse ku mutoza Jurgen Klopp, kivuga ko nubwo yifuzwa na Leta Zunze Ubumwe za Amerika, ikipe y'igihugu y'u Budage nayo iramwifuza cyane. U Budage busanzwe butozwa na Julian Nagelsmann buherutse gusezererwa na Esipanye mu mikino ya Euro muri kimwe cya Kane.
Ibinyamakuru bitandukanye ku mugabane w'iburayi nka The Sun, BBC Sports, Athletic, umunyamakuru Fabrizio Romano n'abandi, batangaje ko Manchester United yamaze kurangizanya na rutahizamu ukomoka mu Buhorandi Jossua Zirkzee. Uyu Zirkzee abaye umukinnyi wa mbere usinyiye Manchester United kuva yajya mu biganza bya INEOS.
Yahoo Sports yanditse ko Al-Itthad yo muri Saudi Arabia, ishaka kwegukana rutahizamu wa Aston Villa ukomoka mu Bufaransa Moussa Diaby.
L'Equipe yo mu Bufaransa yatangaje ko Al-Itthad nanone yifuza umunya Brazil ukina mu kibuga hagati muri Manchester United, Casemiro.
Sky Sports mu Budage yanditse ko myugariro ukomoka mu Buhorandi, Matthijs de Ligt, akomeje guhatiriza Bayern Munich ko ashaka kuyivamo akerekeza muri Manchester United.
90 Minute yagarutse kuri myugariro wa Bayern Munich Matthijs de Ligt, yandika ko Bayern Munich ishaka Miliyoni 50£ kuri uyu myugariro w'imyaka 25 y'amavuko.
Football Insider yatangaje ko Crystal Palace, idashaka gutandukana na Eberechi Eze, uyu akaba ari Umwongereza ukina mu kibuga hagati. Amakipe yifuzaga uyu mukinnyi ukina mu kibuga hagati, ni Manchester United na Tottenham Hotspur.
Foot Mercato yo mu Bufaransa, yanditse ko Nice yifuza myugariro wa Luton Toun w'imyaka 22 y'amavuko, Teden Mengi.
Fabrizio Romano yatangaje ko Arsenal yatangiye ibiganiro na Ajax Amsterdam, bigamije kureba ko Arsenal yakwegukana umuzamu ukomoka mu Bwongereza w'imyaka 18 y'amavuko, Tommy Setford.
Manchester United yamaze kwegukana rutahizamu Jossua Zirkzee
Ikipe y'igihugu y'u Budage na Leta Zunze Ubumwe za Amerika, zirifuza umutoza ukomoka mu Budage Jurgen Klopp wavuye muri Liverpool
Eng
RSS 
TANGA IGITECYEREZO