Umukinnyi wakiniye Liverpool n'ikipe y'igihugu ya Brazil,Roberto Firmino n'umugore we Larissa Pereira babaye abapasiteri mu rusengero bashinze mu myaka 3 ishize.
Umuhango wo kubagira aba pasiteri wabaye ku Cyumweru gishize ubera iwabo muri Brazil mu gace ka Maceio bashinze n'ubundi uru rusengero muri 2021.
Nyuma y'uko bahawe izi nshingano,Roberto Firmino abinyujije ku mbuga nkoranyambaga ze, yerekanye amarangamutima, ati" Kuva duhura bwa mbere na Kristo, ibyifuzo byahinduye imitima yacu.
Turashaka ko abantu bumva uru rukundo rwatugezeho. Ubu dufite ikindi cyifuzo n'inshingano: kuba abashumba mu izina ry'Imana".
Roberto Firmino yanyuze mu makipe atandukanye arimo Liverpool yakiniye guhera muri 2015 kugeza mu mwaka ushize wa 2023. Yakinnyeyo imikino 256 atsindamo ibitego 82 atwarana nayo ibikombe birimo 1 cya Premier League na 1 cya UEFA Champions League.
Uyu mukinnyi yanakiniye ikipe y'Igihugu ya Brazil guhera muri 2014 kugeza mu mwaka ushize wa 2023. Kugeza kuri ubu Roberto Firmino ari gukinira ikipe ya Al Ahli yo muri Saudi Arabia.
Roberto Firmino wagizwe pasiteri mu rusengero yashinze muri ,2021
Eng
RSS 
TANGA IGITECYEREZO