Twinjirane mu byaranze iyi tariki mu mateka y’Isi

Ibintu biba byarabaye kuri iyi tariki mu myaka yashize ni byinshi cyane ariko uyu munsi, InyaRwanda yaguhitiyemo bimwe mu by’ingenzi bidateze kwibagirana mu mateka y’isi.

Bimwe mu byaranze uyu munsi mu mateka

2004: Radio Izuba, Radiyo y’Abaturage ikorera mu Burasirazuba bw’u Rwanda yatangiye gukora ku mugaragaro.

1484: Diogo Cão ukomoka muri Portugal yageze ku isoko y’umugezi wa Congo.

1785: Muri Leta Zunze Ubumwe za Amerika, hemewe ikoreshwa ry’Idolari nk’ifaranga ry’igihugu.

1885: Umuhanga mu binyabuzima, Louis Pasteur yageze neza ku ntego ye y’isuzuma y’ikoreshwa ry’urukiko rw’ibisazi (rabies), nyuma yo kuvura umurwayi wari warumwe n’imbwa, umwana w’umuhungu witwa Joseph Meister.

1893: Umujyi muto wa Pomeroy wo muri Leta ya Iowa iherereye muri Leta Zunze Ubumwe za Amerika wasenywe bikomeye n’inkubi y’umuyaga nyuma yo guhitana abantu 71, hagakomereka abandi 200.

1964: Malawi yatangaje ubwigenge bwayo nyuma yo kwibohora ubukoloni bw’Abongereza.

1966: Malawi yahindutse Repubulika, Perezida wa mbere aba Hastings Banda.

1967: Intangiriro y’Intambara ya Gisivili muri Nigeria nyuma y’aho ingabo za Leta zigaruriye Biafra.

1975: Comore yatangaje ubwigenge bwayo, imaze kuva ku ngoyi y’ubukoloni bw’u Bufaransa.

1998: Ikibuga cy’indege Kai Tak cyo muri Hong Kong cyatangiye gukoreshwa nk’icyo ku rwego mpuzamahanga cya Check Lap Kok.

Bamwe mu bavutse uyu munsi:

1933: Frank August, umukinnyi w’umupira w’amaguru ukomoka mu Bwongereza.

1935: Tenzin Gyatso, Dalai Lama XIV, uyu akaba yaragenewe igihembo cy’amahoro cyitiriwe Nobel.

1975: Curtis James Jackson III, uzwi cyane ku izina rya 50 Cent, umuhanzi wo muri Leta Zunze Ubumwe za Amerika uririmba mu njyana ya Rap.

Yavukiye mu Majyepfo ya Jamaica, azwiho kuba yaratangiye kunywa ibiyobyabwenge ku myaka 11 y’amavuko gusa, ni umwe mu bantu bazwi cyane barashwe inshuro nyinshi.

Mu mwaka wa 2002 yabonanye n’umuhanzi Eminem wamufashije kuzamuka cyane afatanije na Dr Dre.

Mu 2003, yashinze itsinda ry’abahanzi rikomeye rizwi nka G-Unity Records, ryakoranye n’abahanzi benshi kandi bakomeye nka Young Buck, Lloyd Banks na Tony Yayo.

Bamwe mu bitabye Imana kuri iyi tariki:

1901: Prince Chlodwig zu Hohenlohe-Schillingsfürst, wabaye Chancelier w’u Budage.

2009: Robert McNamara, Umunyamabanga Mukuru wa Minisiteri y’Ingabo muri Leta Zunze Ubumwe za Amerika.