Sitting Volleyball: Gasabo na Bugesera zegukanye igikombe cyo kwibuka

Ku bufatanye  bw’Ishyirahamwe ry’imikino y’abafite ubumuga mu Rwanda (NPC Rwanda), Ministeri ya siporo na Komite Olempike y’u Rwanda, kuri uyu wa Gatandatu, ku bibuga bya Kimironko Community & Sports Space hakiniwe irushanwa ryo Kwibuka Jenoside yakorewe Abatutsi mu 1994 mu mukino wa Sitting Volleyball ( Sitting Volleyball-Genocide Memorial Tournament 2024).

Ni imikino yabaye mu byiciro 2 mu cyiciro cy’abagore n’icyiciro cy’abagabo. Mu bagabo irushanwa ryegukanwe n’ikipe y’Akarere ka Gasabo itsinze akarere ka Rusizi amaseti 3-1 ( 25-17,23-25,25-16,25-23).

Ikipe y’akarere ka Musanze yegukana umwanya wa Gatatu itsinze ikipe y’Akarere ka Gisagara amaseti 2-0 (25-22,25-20).

Mu bagore ikipe y’Akarere ka Bugesera yegukanye igikombe itsinze ikipe y’Akarere ka musanze amaseti 3-0 ( 25-10, 25-15 ,25-16). 

Gicumbi yegukana umwanya wa Gatatu itsinze ikipe y’Akarere ka Nyarugenge amaseti 2-1 (24-26,25-18,16-14).

Gasabo niyo yegukanye igikombe cyo Kwibuka mu bagabo