Manchester United yanditse amateka mabi

Ni mu mukino wakinwe ku munsi w'ejo kuwa Mbere saa tatu z'ijoro kuri Selhurst Park aho ikipe ya Crystal Palace ariyo yari yakiriye. 

Uyu mukino warangiye Crystal Palace inyagiye Manchester United ibitego 4-0 bya Michael Olise ku munota wa 12 ahawe umupira na Daniel Munoz,Jean Philippe Mateta ku munota wa 40 ahawe umupira na Chris Richards na Tyrick Mitchell ku munota wa 58.

Usibye kuba ikipe y'amashitani atukura yanyagiwe byatumye inandika amateka mabi aho kugeza ubu ari ikipe ya 5 imaze kwinjizwa ibitego byinshi muri shampiyona 5 zikomeye ku Isi.

Ikipe ya mbere ni Sheffield United imaze kwinjizwa ibitego 105,Luton Town 89,West Ham United 86,Salernitana na 81 inganya na Manchester United.

Muri uyu mwaka w'imikino wari umukino wa 13 wa Premier League Manchester United itsinzwe bikaba ari ubwa mbere mu mateka bibayeho ko itsindwa imikino ingana gutya. 

Iyi mikino yose uramutse uyitereanyije iruta iyo Manchester City, Arsenal na Liverpool zimaze gutsindwa muri Premier League muri uyu mwaka w'imikino.

Mu mateka kandi ni ubwa mbere ikipe ya Crystal Palace itsinze Manchester United ibitego birenze 3 ku va yabaho.

Umunya-Brazil, Casemiro muri uyu mukino yanyuzweho inshuro 8 asigaranye n'umukinnyi wa Crystal Palace akaba ariwe mukinnyi wenyine  bibayeho mu mukino umwe muri Premier League muri uyu mwaka w'imikino.

Ikipe y'amashitani atukura nyuma yo gutsindwa irasabwa kwitwara neza mu mikino 3 isigaranye kugira ngo irebe ko yabona umwanya wa 6 ufitwe na Newcastle United n'amanota 56 kubera ko yo ubu iri ku mwanya wa 8 n'amanota 54.

Abakinnyi ba Manchester United nyuma yo gutsindwa bari bumiwe

Casemiro ntabwo yagize umukino mwiza ndetse byanatumye yandika amateka atari meza