Minisitiri w'Ingabo wungirije ushinzwe imshinga y'ibikorwa remezo mu Gisirikare cy'u Burusiya yatawe muri yombi akekwaho kunyereza umutungo wa Leta ahubatswe ibikorwa remezo.
Kuwa kabiri Tariki ya 23 Mata 2024, Urwego rw'Igihugu rushinzwe iperereza mu gihugu cy'u Burusiya, rwatangaje ko Minisitiri w'Ingabo wungirije Timur Ivanov yafunzwe kubera ibyaha akekwaho bya ruswa.
Uwo musirikare mukuru w'imyaka 48 ubarizwa mu ba Minisitiri 12 bungirije minisitiri w'Ingabo mu Burusiya, amaze imyaka 8 ahawe inshingano zo kuba Minisitiri w'Ingabo wungirije ushinzwe imshinga y'ibikorwa remezo mu Gisirikare cy'u Burusiya.
Muri 2022, umuryango urwanya ruswa (ACF) washinzwe na Alexei Navalny wapfuye muri Gashyantare washinjaga Ivanov kugira uruhare mu bikorwa bya ruswa mu gihe hubakwaga ibikorwa remezo mu duce two muri Ukraine twigaruriwe na Leta y'u Burusiya".
Umuryango urwanya ruswa ACF muri raporo yawo wavugaga ko uwo mugabo yigwijeho ubutunzi bwavuye mu kunyereza umutungo wa Leta wari ugenewe gukoresha mu mishinga y'ubwubatsi mu mujyi wambuwe Ukraine uri ku cyambu cya Mariupol.
Umuvugizi w'ibiro bya Perezida mu Burusiya, Dmitry Peskov, umuvugizi w'ibiro bya Perezida Kremlin yatangarije itangazamakuru ko Perezida Vladimir Putin yamenyeshejwe ifungwa ry'uwo muyobozi mu Ngabo mbere y'uko atabwa muri yombi.
Uyu mugabo uri ku rutonde rw'abayobozi 10 b'Abarusiya bafatiwe ibihano n'Umuryango w'Ibihugu by'ibihumbi by'u Burayi (Union Europeenne) yahanishwa igifungo cy'imyaka 15 ndetse agatanga n'ihazabu ihanitse.
Ivomo: RFI
Eng
RSS 
TANGA IGITECYEREZO