LeBron James yafashije Los Angeles Lakers gutsinda New Orleans Pelicans amanota 110 ku 106, ihita ibona amahirwe yo gukina NBA Playoff.
Muri uyu mukino, LeBron James yatsinze amanota 39, rebounds Icyenda na Assists Icyenda. Izo mbaraga ze zafashije Los Angeles Lakers kwiyongera mu makipe yo mu gace k'Uburengerazuba azakina imikino ya NBA Playoff.
Los Angeles Lakers nubwo yagize amahirwe yo gukina NBA Playoff, ifite umusozi wo kuzamuka, kubera ko muri kimwe cya Kane izacakirana na Denver Nuggets ifite igikombe giheruka.
Nyuma yo Gufasha Los Angeles Lakers kugera mu mikino ya NBA Playoff, LeBron James yagize ati " Kugeza ubu dufite ikipe nziza igomba kuzihagararaho mu mikino ya Playoff.
" Nubwo tumaze kubona itike yo kuzakina Playoff, turacyafite urundi rugendo, kuko tuzakina na Denver Nuggets ifite igikombe giheruka.
LeBron James, ni ku nshuro ya 17 agiye gukina imikino ya NBA Playoff, mu myaka y'imikino 21 akinnye muri NBA.
Los Angeles Lakers yatsinze New Orleans Pelicans ihita ibona itike yo kuzakina NBA Playoff
LeBron James agiye gukina NBA Playoff ku nshuro ya 17
Eng
RSS 
TANGA IGITECYEREZO