Zinedine Zidane ashobora kwitaba Telephone yo muri Bayer Munich

FC Bayern Munich yamaze kugaragaza ko mu mwaka w'imikino utaha wa 2024-25 igomba kuba yarabonye umutoza mushya, igatandukana Thomas Tuchel wamaze kugaragaza ko atari ku rwego rwo gutoza Bayern Munich.

Thomas Tuchel ni we mutoza ukoze amabara muri Bayern Munich mu myaka 11 ishize, kubera ko ari we wananiwe gutwara igikombe cya Shampiyona. Mbere yaho Bayern Munich yari yaramaze imyaka 11 ariyo yegukana Shampiyona yo mu Budage yikurikiranya.

Mbere yo Gutekereza kuri Zinedine Zidane, Bayern Munich yifuzaga Xabi Alonso wa Bayer Leverkusen, biza kurangira Alonso akuriye inzira ku murima amakipe yose yamwifuzaga, avuga ko nta gahunda yo kuva muri Bayer Leverkusen afite.

Nk'uko Bigaragara ku Kinyamakuru Marca cyo muri Esipanye, Bayern Munich ibiganiro byayo na Zinedine Zidane bigeze kure, ndetse ngo uyu mugabo ashobora kuzahita ayigeramo nyuma y'uko uyu mwaka w'imikino uzaba urangiye, Thomas Tuchel yagiye.

Marca ikomeza ivuga ko Zinedine Zidane yatangaje ko isaha ku isaha yagaruka ku ntebe yo gutoza. Zinedine Zidane mu gihe gito yamaze mu butoza, yagize ibihe bidasanzwe. Yatwaye UEFA Champions League inshuro eshatu yikurikiranya, ndetse anatwara Shampiyona ya Esipanye inshuro ebyiri.

Zinedine Zidane ashobora kugaruka mu kazi ko gutoza, akisanga i Bavaria 

Mu rugendo rwo gutoza, Zidane yagiriye ibihe byiza muri Real Madrid