Bizimuremyi Radjab utoza ikipe ya Etincelles FC, yavuzeko ikipe ya Rayon Sports ntacyo iharanira, bituma bagiye kuyitegura bikomeye.
Nyuma
y'umukino ikipe ya Bugesera FC yanganyijemo na Etincelles FC, umutoza w'ikipe ya
Etincelles FC yagarutse ku buryo agiye kwitegura ikipe ya Rayon Sports mu
mukino ukurikira.
Uyu
mutoza yavuze ko agiye kwitegura Rayon Sports kurusha kwitegura igikombe. Yagize ati: "Rayon Sports ntacyo iharanira twe dufite icyo duharanira kirenze
igikombe, ubwo urumva ko tugiye kwiyitegura kurenza ibindi byose. Ubu buri
mukino nzajya nywukina nk'aho ari wo wa nyuma."
Tariki
4 Mata 2024, ni bwo ikipe ya Rayon Sports izakira Etincelles FC mu mukino
w'umunsi wa 26 wa shampiyona. Rayon Sports iri ku mwanya wa 2 n'amanota 48 mu
gihe APR FC iri ku mwanya wa 1 n'amanota 59 bisa naho APR FC amanota irusha
Rayon Sports, kuyavanamo ikegukana shampiyona bigoye ariyo mpamvu Bizumuremyi
Radjab avuga ko ntacyo iharanira.
Bizumuremyi Radjab yatangaje ko abura amanota 5 kugira ngo ikipe ye ya Etincelles FC igume mu cyiciro cya mbere
Rayon Sports yari yasuye Mukura kuri uyu wa 6 iyitsinda igitego kimwe ku busa cya Ngendahimana Eric
TANGA IGITECYEREZO