Eddy Kenzo yavuze ku mubano we na Minisitiri Phiona Nyamutooro

Eddy Kenzo yavuze ko nta rukundo ruri hagati ye na Minisitiri Phiona nubwo abantu benshi bakomeza kuba ariko babifata.

Mu mwaka ushize nibwo byatangiye kuvugwa gusa bisa n'ibyibagiranyeho  kugeza ubwo Phiona wari usanzwe ari umwe mu bagize Inteko Ishingamategeko yagirwaga Minisitiri na Perezida Museveni.

Byihuse cyane Eddy Kenzo abinyujije ku mbuga nkoranyambaga, yahise arata uyu mukobwa amashimwe, abantu bahita baheraho bongera kubigarura.

Bamwe mu bifurizaga amahirwe masa Phiona harimo n'abagiye bamwita umugore cyangwa se umukunzi wa Eddy Kenzo.

Nyuma yagahe gato, aba bombi baje no kugaragara basuye abana ku ishuri ndetse hanagaragara amafoto bagiye batizanya ikote.

Mu kiganiro Eddy Kenzo yagiranye na Sanyuka TV, abajijwe kuri iyi ngingo yagize ati”Ni inshuti.”

Umunyamakuru akomeza amubaza ari inshuti kuruhe rwego  cyane ko baheruka kugaragara bajyanye gusura umwe mu bakobwa b’uyu muhanzi.

Kenzo aha yahise agira ati”Ni inshuti magara.”

Uwamubaza ntabwo yavuye ku izima, yamubajije no ku ngingo yo kuba baratizanije ikote, undi na we amusubiza ko ari uko byahuriranye amakote atari amwe.

Hagiye humvikana kandi amakuru y'uko uyu mugore yahaye impano y’imodoka y’agaciro uyu muhanzi.

Minisitiri Phiona Nyamutooro yigeze kumvikana avuga ko yishimira kuba amaze imyaka myinshi ari inshuti ya Eddy Kenzo ariko ko batari mu rukundo.

Uyu mukobwa ufite impamyabumenyi y’icyiciro cya Gatatu cya Kaminuza ari mu banyapolitiki bato Uganda ifite bamaze kwigwizaho igikundiro ndetse akanaba umwe mu bantu b’imbere mu ishyaka rya NRM riri ku butegetsi.Eddy Kenzo yavuze ko Minisitiri Nyamutooro baheruka kugaragara batizanya ikote ari inshuti ye magaraMinisitiri Nyamutooro yigeze kumvikana avuga ko yishimira ubucuti bwe na Eddy KenzoMuri ibi bihe inkuru z'urukundo rwabo zongeye kugaruka bajyanye gusura umwe bakobwa ba Eddy Kenzo ku ishuri