Umukinnyi wakiniye Real Madrid agiye gutandukana n'umugore nyuma yo kumara imyaka 16 arera impanga zitarize

Ku munsi w'ejo ku wa Gatandatu nibwo aya yamakuru yagiye hanze binyuze mu binyamakuru bitandukanye birimo na The Sun yo mu Bwongereza.

Muri 2012 nibwo Geremi Njitap yakoze ubukwe n'uyu mugore witwa Toukam Fotso Laurie Verline, umukobwa w'umuherwe w'umunya-Cameroon Fotso Victor.

Nubwo muri uyu mwaka aribwo bakoze ubukwe ariko hari hashize imyaka 16 uyu mugore yibarutse impanga arangije abwira Geremi Njitap ko ari abana be biza no kuba impamvu nyamukuru yo kubana nk'abantu bari barabyaranye 

 Mu minsi yashize nibwo uyu mugabo wakiniye amakipe atandukanye arimo Chelsea akanatwarana nayo Premier League yakoresheje ibimo ndangasano (ADN) aza gusanga izi mpanga z'abakobwa amaze imyaka 16 arera atarize ahubwo ari iz'uwahoze akundana n'uyu mugore we.

Ibi nibyo byatumye Geremi Njitap w'imyaka 45 ahita afata umwanzuro wo kwaka gatanya kugira ngo atandukane n'uyu mugore byemewe n'amategeko.

Yavuze ko ibi byamutunguye ndetse ko byamwangije mu mutwe nyuma yo kubimenya.

Geremi Njitap yakiniye ikipe ye y'igihugu ya Cameroon guhera mu 1996 kugeza muri 2010,akinira amakipe nka Chelsea hagati ya 2003 na 2007,Real Madrid kuva mu 1999 kugeza muri 2007 ndetse na Newcastle United kuva muri 2007 kugeza muri 2009.

Geremi Njitap ugiye gutandukana n'umugore we nyuma yo gusanga amaze imyaka 16 arera impanga zitarize

Geremi Njitap  yakoresheje ibipimo bya DNA asanga abana yaramaze imyaka 16 arera atari abe

Yakiniye ikipe y'igihugu ya Cameroon 

Geremi Njitap  akinira Real Madrid