Bangirika byoroshye! Ibikenewe bifasha abana gukurana ibyishimo

Buri mubyeyi agira intego zo kurera umwana mu byishimo ndetse akamukuza neza, agakura atanga icyizere cyo kuzavamo umuntu uzatera ishema umuryango. Nyarama ubwo burere bwiza burimo ibyishimo bugaragara bitewe no kubahiriza inshingano nk’umubyeyi.

Dore inshingano umubyeyi agomba kubahiriza arera umwana ubuzima burimo ibyishimo:

         1.     Kubyukana ibyishimo

Kuva umwana avutse kugeza abaye umuntu mukuru, yitegereza isura ya se cyangwa nyina akamenya ko yishimye cyangwa atishimye bikaba byamwangiriza umunsi cyangwa ukaba mwiza.

Ibyishimo bigaragarira umwana yitegereje isura y’umubyeyi, bimutera kwiyumva neza ndetse nawe akishima kuko yumva atekanye. Mu gitondo umunsi utangiye, umubyeyi agomba kubyukana ibyishimo ndetse n’ibyo akorera abana bikaba birimo urukundo, nko kubakangura, kubategura bajya kwiga, kubagaburira n’ibindi byose.

          2.     Kubamenyereza kuryama bishimye

Uzasanga ababyeyi bamwe bagaragaza urukundo ku bana mbere yo kubasinziriza. Akenshi usanga nk’ababyeyi bafite impano y’ubuhanzi nko kuririmba cyangwa gucuranga, ibyo bigatuma umwana aryamana ibyishimo agasinzira neza.

Mu bihe byose murimo nk’umuryango, mukwiye guhumuriza abana bakaryama bishimye batekanye, ibyo bigatuma bakurana ubuzima bugizwe no kunezezwa.

          3.     Gusangira mwishimye

Kwishima ntibivuze ko haba habuze ibintu bishobora kuba bihari byahungabanyije ubuzima bw’umuryango ariko bakabyirengagiza kugirango bareme ibyishimo mu bana, bakabinyuramo batari mu mubabaro.

Bivugwa ko burya kubabara igihe kirekire cyangwa kugaragaza agahinda watewe n’ibihe runaka bidatanga umwanzuro uretse kurwara agahinda gusa n’iminsi yawe ikakubera mibi.

Igihe cyose abanyembaraga barangwa no guhangana n’ibyo bihe bibi bakarenga ibyabatera intekerezo mbi babihuza n'uburere bw’abana.

       4.     Gukosora umwana mu rukundo

Abana bumva cyane ku buryo kubakosora mu mujinya ntacyo bibafasha uretse gutinya umubyeyi.

Ababyeyi bakunze kwitwara ibikoresho birimo inkoni, umukandara  ibiziriko n’ibindi bahana abana. Uwo mujinya ugaragaza uhana umwana uragenda ukamwinjira muri we, kuko abana baba bafata icyitegerezo akazagukuriza.

Nibyiza kugaragariza umwana icyo akwiye gukora n’icyo adakwiye gukora kandi bikozwe mu rukundo wirinda isura y'ubugome mu maso, kuko atakwanze yagutinya ntakwisanzureho.

       5.     Gushima ibyo akora

Ababyeyi benshi baganiriza abana bababwira ku makosa bakoze kandi igihe bakoze neza ntibabashime. Indi myumvire ku babyeyi bavuga ko gushima umwana bituma birara ntibakomeze gusa ni ukwibeshya.

Umwana akwiye gushimwa igihe yakoze neza, kugirango abone impamvu zihoraho zituma akomeza gukora neza. Ibi kandi nabyo bikwiye gukorwa mu buryo butanga ibyishimo ku mwana akishimira imbaraga yifitemo zo gukora neza.

Buri kimwe bakorewe niyo cyaba gito gikoranwe urukundo

Source: Indiatimes.com