Otile Brown yashenguwe n’urupfu rwa Peter Morgan

Mu masaha akuze nibwo hatangiye gucicikana inkuru mu bitangazamakuru bikomeye  zivuga ko Peter Antony Morgan w’imyaka 46 yitabye Imana.

Umuryango we ukaba watangaje ko yari umugabo wubatse, umubyeyi n’umuvandimwe w'akataraboneka nubwo batatangaje imvano y’urupfu rw’uyu mugabo.

Iyi nkuru ikaba yababaje benshi cyane ko itsinda yari ayoboye rigizwe n’abavandimwe be rya Morgan Heritage ryagwije ibigwi ku Isi kugera n'ubwo ryegukanye ibihembo bisumba ibindi mu muziki bya Grammy.

Otile Brown yagize ati”Kubyukira ku makuru y’icamugongo nkaya, uruhukire mu mahoro Mwami. Niteguraga guhura na we warakoze guha umugisha umuzingo wanjye, Grace ni iby’icyubahiro.”

Agaragaza ko afashe mu mugongo umuryango mugari wa Morgan n’inshuti yongeraho ngo nk'uko Imana ibishaka kugeza twongeye guhura munyabigwi.

Morgan Heritage nk’itsinda bakaba mu bihe bitandukanye barakomeje kwerekana ko bakunda u Rwanda ndetse bigeze kumvikana bavuga ko bashaka kuba bahabwa ubwenegihugu.

Mu mwaka wa 2017 bakaba barataramiye mu Rwanda mu gitaramo cy’amateka cyabereye i Nyamata.

Kikaba ari igihombo gikomeye mu muziki ariko byumwihariko mu bakunzi b’injyana ya Reggae aho yari umwe mu bakomeye banihagazeho. Peter Antony Morgan wari urufatiro rw'itsinda rya Morgan Heritage rigizwe n'abavandimwe bavukana,akaba yari n'umwe mu bagwije ibigwi muri Reggae yitabye ImanaOtile Brown yashimiye umusanzu wa Peter Morgan ku muziki we, yihanganisha umuryango n'inshuti z'uyu mugabo watabarutseItangazo ry'umuryango mugari wa Morgan batangaza urupfu rw'umuvandimwe wabo Peter Antony Morgan