Ahabanza Kwamamaza

Amstel yahembye umukinnyi wegukanye agace ka Karindwi ka Tour du Rwanda

Yanditswe na: Aloys Niyonyungu
Taliki:24/02/2024 17:20 0

Uruganda rwenga ibinyobwa bisembuye n'ibidasembuye, Bralirwa rubinyujije mu kinyobwa cyayo Amstel, rwahembye Itamar Einhorn wegukanye agace ka Gatandatu ka Tour du Rwanda.

Guhera taliki 18 Gashyantare 2024 kuzageza ku Cyumweru taliki 25 Gashyantare mu Rwanda hari kubera isiganwa ry'amagare ngarukamwaka rizenguruka ibice bigize u Rwanda rya Tour du Rwanda 2024.

Kuri uyu Gatandatu hakinwaga agace ka 7 kavuye i Rukomo mu karere ka Gicumbi kakaba kasorejwe mu karere ka Kayonza mu ntera ingana n'ibilometero 158.

Aka gace kegukanwe na Itamar Einhorn ukomoka mu gihugu cya Israel akaba yakoresheje amasaha atatu, iminota 29 n'amasegonda 57.

Uyu mukinnyi w'imyaka 26 asanzwe akinira ikipe ya Israel Premier Tech ndetse aka niko gace ka kabiri yari yegukanye muri iyi Tour du Rwanda 2024 dore ko ari nawe wari wegukanye akavaga i Muhanga kerekeza i Kibeho muri Nyaruguru.

Umuterankunga mukuru muri Tour du Rwanda y'uyu mwaka, Amstel niyo yahembye Itamar Einhorn dore ko n'ubundi muri rusange ariyo ihemba umukinnyi wegukanye agace buri munsi muri Tour du Rwanda 2024.

Amstel yatekereje ku bakiriya bayo muri Tour du Rwanda aho yazanye ibintu bidasanzwe kandi bishimishije bigamije gushimangira ubusabane mu nshuti no kugera ku byifuzwa kuri Tour du Rwanda.

Kuri ubu Amstel yazanye uburyo bwo gusiganwa ku magare kuri internet (E-Race) bugakorerwa ahantu hazwi cyane, nka Maison Noir, Molato, Plazzo, na Clausy Bar.

Ubu buryo buri kugarukwaho cyane, kikaba ikimenyetso ko Amstel itanga ibihe bitazibagirana mu nshuti. Ariko ibyishimo ntabwo bigarukira aha gusa.

Muri Tour du Rwanda, Amstel yazanye abacuruzi bayo. Umuyobozi Ushinzwe Iyamamazabikorwa muri Bralirwa, Madamu Martine Gatabazi, yavuze ko kuri iyi nshuro bazashimangira ubudasa bwa Amstel nk'ikirango cyo guhitamo mu nshuti kandi banubahiriza amategeko agenga ibyo kunywa.