Uko Andollah yavukijwe amahirwe na Bruce Melodie n’urwibutso afite kuri Jay Polly bakoranye-VIDEO

Kugeza ubu Andollah amaze gukora indirimbo 55 ariko izo amaze gushyira hanze ni 17 zirimo n'iziri ku muzingo yise ‘Try New Thing’.

Uyu musore uvuga ko atari imbata y’injyana, muri iyi minsi ari gukora ibihangano byibanda kuri Trap, Drill na Jazz Beats, akaba anafite ubumenyi mu gutunganya umuziki nubwo akihugura ariko hari byinshi yikorera ku ndirimbo ze.

Mu kiganiro yagiranye na InyaRwanda muri bwa buryo bwihariye bw’Ubuhanzi n’Imyidagaduro mu Turere, yagaragaje uko yinjiye mu muziki ari muto ariko cyane cyane yibanda ku mwaka wa 2017.

Yagaragaje uko yari umwe mu bari baririmbye muri Too Much indirimbo yahuriyemo ibyamamare byinshi birimo Jay Polly, Khalifan, Nizzo Kaboss, Safi Madiba, Marina na Uncle Austin nyamara Bruce Melodie akabyitambikamo.

Abara iyi nkuru agira ati: ”Nkirangiza amashuri yisumbuye ni bwo natangiye guhuza n’abahanzi. Hari indirimbo yitwa ‘Too Much’ nari mfitemo igitero, biza kurangira Bruce Melodie abyanze ngo ndi muto ninjyamo we aravamo, gusa mu mashusho ariko ho ndimo.”

Yagarutse kandi ku rwibutso rukubiyemo n'icyo yigiye kuri Jay Polly mu bihe by’ikorwa ry’iyo ndirimbo agira ati: ”Jay Polly yari umuntu uha agaciro akazi. Iriya ndirimbo bagiye kuyikora na ba Nameless Campos, twarahuje mbona uburyo avuga ibi bintu bikorwe gutya, noneho yakoreraga ku gihe ni cyo kintu namukundiye.”

Yasabye ko hakongerwa umubare w’ibitaramo bitegurwa n’ibibonetse hagatekerezwa ku buryo hashyirwamo abahanzi bari mu bice binyuranye by’igihugu kuko bahari kandi bashoboye.

Abivuga muri ubu buryo ati: ”Gushyira hamwe bagategura ibitaramo bituma twigaragaza, ibitaramo bategura kugeza ubu batumira abahanzi b’i Kigali b’ibyamamare.”

Andollah yasoje amashuri yisumbuye muri 2016, afite impamyabumenyi y’icyiciro cya Kabiri cya Kaminuza yakuye muri INES Ruhengeri mu mwaka wa 2022.

Ubuzima bwe bushingiye ku kazi ko kuvunja aho afite ikompanyi ibikora. Ni akazi gafite aho gahuriye n'ibyo yize bimufasha gukomeza gukora neza umuziki we yizeye ko igihe kimwe ayo yashoye azayagaruza.

KANDA HANO UREBE IKIGANIRO NA ANDOLLAH

Andollah ari mu bahanzi babihuza n'ubushabitsi no gutunganya umuziki muri MusanzeAvuga ko Jay Poll bakoranye indirimbo ari we akomoraho umuco wo guha akazi agaciroUyu musore amaze gukora indirimbo zitari nke zirimo n'umuzingo we wa mbere yamaze gushyira hanzeAteganya ko umwaka wa 2024 umuhiriye yakorana indirimbo n'abahanzi bamaze kubaka izinaAbara inkuru y'uko yinjiye mu muziki agaruka ku buryo Bruce Melodie yamuvukije amahirwe yo kuririmba muri "Too Much"Mu bihe bya vuba aritegura gushyira hanze uruhurirane rw'indirimbo [EP]