Netflix: Filime 6 zakunzwe zishingiye ku bitabo

Filime zigira umwihariko wazo utuma zikundwa mu buryo butandukanye. Twaguteguriye urutonde rwa filime nziza zakinwe hashingiwe ku bitabo.

      1. Love Again

Filime “Love Again” igaruka ku nkuru zibabaje zirimo umukobwa upfusha umukunzi we akanyura muri byinshi. Iyi filime Love Again yamamayemo Priyanka Chopra umuhindekazi wamamaye muri uyu mwuga akaba na rwiyemezamirimo ukomeye, Sam Heughan, Ciline Dion umuhanzikazikazi wakunzwe kuva mu myaka ya kera.

Ni imwe muri filime zakinwe ariko zishingiye ku bitabo kuko yakuwe ku gitabo cya Cramer Sofie cyiswe “Text for You”.

        2. Fifty Shades of Grey

Ishingiye ku gitabo cyitwa “Fifty Shades of Grey”. Iyi filime yamamayemo Dakota Johnson, Jamie Dornan, ndetse na Jeniffer Ehle. Igaruka ku buzima busanzwe abantu banyuramo, burimo kurwara, gukunda n’ibindi.

“Fifty Shades of Grey” yasohotse tariki ya 13 Gashyantare 2013, igice cya kabiri cyiswe “Fifty Shades Darker” gisohoka tariki 10 Gashyantare 2017, igice cya gatatu cyiswe “Fifty Shades Freed” gisohoka tariki 9 Gashyantare 2018 ku rubuga rwa Netflix.

       3. Royalteen

Ishingiye ku gitabo cyitwa “Royalteen Prince chaming” cyanditswe na Randi Fuglehaug afatanije na Anne Gunn Halvorsen. Igaruka ku nkuru y’urukundo rw’umwangavu ndetse n’ingimbi n’ibyo bakoreye mu rwihisho bikagirwa ibanga.

        4. The Perfect Find

The Perfect Find ni filime ishingiye ku gitabo bihuje izina, cyanditswe na Tia William. Ivuga ku nkuru zitandukanye zirimo iy’umukobwa usohoka mu birori yizihiwe agasoma umuhungu, ariko nyuma agasanga uwo musore yari umwana wa sebuja “Boss”. Iyi filime yasohotse tariki 23 Kamena 2023.

         5.  The White Tiger

Iyi filime yamamayemo abarimo Priyanka Chopra igaruka ku nkuru ibabaje y’umushoferi watwaraga umuryango ukize mu Buhinde, ariko agakoresha amayeri ye ahunga ubukene yarafite agahinduka rwiyemezamirimo.

The White Tiger ni igitabo cyanditswe na Aravind Adiga umwanditsi w’ibitabo ukomeye mu buhinde akaba n’umunyamakuru w’umuhanga nkuko bitangazwa. Yashyizwe hanze tariki 6 Mutarama 2021 ikinamo abahanga mu mwuga wa filime barimo Priyanka Chopra Jonas.

        6.  News of the World

Iyi filime igaruka ku nkuru y’ubutwari y’umugabo werekeje mu mujyi wa Texas agakura umwana w’umukobwa mu kigo cy’imfubyi akamuzana mu rugo rushya agahabwa umuryango.

Yashyizwe hanze tariki ya 25 Ukuboza 2020 hashingiwe ku gitabo cya Paulette Jiles, yamamaramo Helena Zengel, Tom Hanks, na Michael Angelo Covino.