Xabi Alonso ntakozwa ibyo gutoza Liverpool

Nyuma y'uko Jurgen Kllop atangaje ko umwaka w'imikino nurangira atazakomezanya na Liverpool, Xabi Alonso utoza Bayer Leverkusen ari mu batoza batangiye guhwihwiswa ko bamusimbura.

Impamvu benshi bagumye gutekereza Xabi Alonso ko yazasimbura Jurgen Kllop, ni uko Alonso ari umwe mu bagabo bazi neza umupira wa Liverpool kuko  yayikiniye kuva mu 2004 kugera muri 2009, ndetse  yanatwaranye nayo UEFA Champions League ya 2005.

Impamvu Xabi Alonso agaragaza ko atazajya gutoza Liverpool, ni uko kuri ubu ari mu bihe byiza na Bayer Leverkusen yo mu Budage. Kugeza ubu Xabi Alonso akomeje kuyobora urutonde rwa shampiyona yo mu Budage Bundesliga hamwe n'ikipe ye ya Bayer Leverkusen, aho  irusha Bayern Munich amanota abiri.

Bayer Leverkusen kandi imeze neza mu mikino ya Europa League, dore ko yamaze kurenga atsinda.

Ubuhanga bwa Xabi Alonso, ntabwo buri kubonwa na Liverpool gusa, dore ko uyu mutoza uri gutitiza u Budage, yifuzwa na Real Madrid, Bayern Munich ndetse na Manchester City iherutse gutangaza ko iramutse itandukanye na Pep Guardiola, umutoza babona wamusimbura ari we.

Abasesenguzi batandukanye, basanga byakunda ko Xabi Alonso yaba umusimbira mwiza wa Jurgen Kllop, ariko abandi nabo bakavuga ko iki aricyo gihe cyo kwerekana ko ari umutoza udasanzwe, akabyerekana abuza Bayern Munich ibikombe.

Xabi Alonso ukomeje kubica bigacika muri Bayer Leverkusen, kuri ubu ikipe atoza iri muri Europa League. Iki ni kimwe mu bikombe Xabi Alonso ashaka guhesha Bayer Leverkusen uyu mwaka, ndetse umwaka utaha akazaba atoza ikipe ye ikina UEFA Champions league.

Uyu mwaka Kandi Xabi Alonso naramuka afashije Bayer Leverkusen kwegukana Bundesliga, niwe mutoza uzaba abujije Bayern Munich kwegukana igikombe cya Shampiyona, kuva muri 2012.

Xabi Alonso wifizwa na Liverpool, ni umutoza uri kubaka ibigwi muri Bayer Leverkusen

Liverpool yifuza Xabi Alonso ngo asimbure Jurgen Kllop watangaje ko atazaguma kuyitoza 

Xabi Alonso yakiniye Liverpool, ndetse Yayifashije gutwara UEFA Champions League ya 2005