Nyuma y'uko kubona intsinzi kuri Los Angeles Lakers bisigaye byarabaye imbonekarimwe, kuri uyu wa Gatanu yatsinze Chicago Bulls, Miami Heat yo yatsinzwe na Boston Celtics, naho Denver Nuggets itsindwa na New York Knicks.
Nta byishyimo na mba Miami Heat yagiriye kuri Kayesa Center imbere y'abafana bayo, kuko yahatsindiwe na Boston Celtics amanota 243 ku 110 ya Miami Heat.
Boston Celtics iraca amarenga ko uyu mwaka yazatwara National Basketball Association NBA, ni nayo iyoboye urutonde rwo mu Burasubira, ndetse ni nayo imaze gutsinda imikino myinshi muri NBA muri uyu mwaka w'imikino.
Kuri Kayesa Center, Boston Celtics yatsinze Miami Heat idakoramo, dore ko nubwo Miami Heat yari imbere y'abana bayo, nta gace na kamwe yatsinze.
Igikomeye Miami Heat yakoze imbere ya Boston Celtics, ni uko yanganyije agace ka Kabiri n'amanota 35 ku yandi ya Boston Celtics.
Agace ka mbere, aka gatatu n'aka kane, twose twihariwe na Boston Celtics.
Mu gace ka mbere Celtics yatsinze amanota 42 kuri 29 ya Miami Heat, aka gatatu itsinda 36 kuri 26, naho aka Kane itsinda 30 kuri 20. Umukino uba urangiye Boston Celtics ivuye i Miami mu byishyimo byinshi n'amanota 143 ku 110 ya Miami Heat.
Gutsinda amanota menshi kwa Boston Celtics, byabaye ubufatanye bw'abakinnyi bayo, dore ko no muri batatu batsinze amanota menshi, harimo umukinnyi umwe wa Boston Celtics. Uwo ni Tatum watsinze Amanota 26, rebound 8 na assist 4.
Boston Celtics yatsinze Miami Heat, iguma gushimangira ko ishaka gutwara igikombe cya NBA
Denver Nuggets yananiwe kwikura i New York kuri Madison Square Garden. Umukino wayihuje na New York Knicks, yatsinzwe amanota 84 ku 122 ya New York Knicks.
Kuri Madison Square Garden, imbere y'abafana bayo, New York Knicks yatsinze Denver Nuggets inayisebeje cyane, dore ko umukino warangiye nta gace na kamwe Nuggets itsinze, habe n'ako yanganyije.
Iyi Denver Nuggets yatsinzwe bigeze aha, ntabwo twakirengagiza ko ariyo iheruka gutwara NBA mu mwaka w'imikino ushyize.
Mu gace ka mbere kuri Madison Square Garden, New York Knicks yatsinze amanota 33 kuri 21 ya Denver Nuggets, aka kabiri itsinda 29 kuri 20, aka gatatu nako itsinda 36 kuri 25, naho aka Kane itsinda 24 kuri 18 ya Nuggets. Umukino warangiye ari amanota 122 ya New York Knicks kuri 84 ya Denver Nuggets.
Denver Nuggets yananiwe kwikura kwa New York Knicks
Los Angeles Lakers yatsinze Chicago Bulls kuri Crypto.com Arena. Imbere y'abafana bayo, LA Lakers yanze kongera gukora ikosa ryo gutsindwa, dore ko yatsinze amanota 141 ku 132 ya Chicago Bulls.
Gutsinda agace ka kabiri n'aka gatatu, nibyo byatumye Los Angeles Lakers yegukana intsinzi y'uyu munsi. Mu gace ka kabiri, Lakers yatsinze amanota 42 kuri 25 ya Chicago Bulls, naho aka gatatu itsinda 39 kuri 36 ya Chicago Bulls.
Chicago Bulls nubwo yatsinzwe, yatsinzwe kigabo, kuko yatsinze agace ka mbere n'aka Kane. Mu gace ka mbere, Chicago Bulls yatsinze amanota 32 kuri 31 ya Los Angeles Lakers, naho aka Kane itsinda 29 kuri 29. Gusa Los Angeles Lakers niyo yatsinze amanota menshi, bityo yegukana intsinzi ya none.
Los Angeles Lakers yazukiye kuri Chicago Bulls
Eng
RSS 
TANGA IGITECYEREZO