Yabaye umusirikare wa Israel! Byinshi kuri Noa Kirel wibitseho ibihembo 5 bya MTV Europe Music Awards

InyaRwanda twabahitiyemo kugaruka ku myidagaduro ihavugwa  idakunze kugarukwaho cyane ariko twe turibanda ku cyamamare  Noa Kirel wabaye ikimenyabose mu myidagaduro muri iki gihugu akaba yarabaye icyamamare mpuzamahanga kubera impano yihariye.

Noa Kirel yavutse  tariki10 Mata 2001,avukira mu gace bita  Ra'anana muri Israel.

Noa Kirel akaba ufite abavandimwe babiri bavukana, ababyeyi be ni  Ilana na Amir Kirel. Afite bakuru be babiri, Niv Kirel na Ofree Kirel. Se ni umuyobozi mukuru wa Glassco Glass, akora ubucuruzi bw’ibirahure bitumizwa mu mahanga, ifite icyicaro mu cyanya  cy’inganda ya Barkan.

 Noa Kirel afite impano nyinshi aho azwi  nk'umuririmbyi, umwanditsi w’indirimbo,aho yamenyekanye mu ndirimbo zitandukanye nka Bad Little Things, Unicorn,Please Don't Suck,Thought about that, akaba  umukinnyi wa filime, aho yagaragaye muri Film yitwa "Almost Famous" akaba umunyamideli  no kuba  umunyamakuru wa Televiziyo, n’umukemurampaka  wa gahunda ya Televiziyo  muri Israel mu kiganiro cyitwa Israel Got Talent.

Yatsindiye ibihembo bitanu bya MTV Europe Music Awards ku bwo kuba umunyamategeko mwiza  muri Israel mu gihe kingana n’imyaka 5 yikurikiranya,  ku va 2017 kugeza mu  2022.

Noa Kirel ubwo yatwaraga igihembo gikomeye nk’umuhanzi mwiza aricyo cya nyuma aheruka guhabwa, yabwiye ikinyamakuru Paper Magazine  imbamutima ze  akamaro n'Intego ze mu muziki yagize ati " Buri gihe nifuza guhagararira imbaraga z’umugore, kwikunda no kugira umubiri mwiza nubwo umuntu yaba anyuze kose, ndizera ko umuziki wanjye ufasha rwose abantu kumva bamerewe neza batitaye aho bari ku isi.”

 Si ibyo gusa kuko muri Gashyantare 2020, Kirel yinjijwe mu ngabo z’igihugu cya Isiraheli (IDF) kandi aba umusirikare mu mutwe w’abasirikare wihariye.

Kirel  mu rukundo  rwe yagiye akundana n’abasore batandukanye.  Yagiranye umubano n’umunyamideli n’umukinnyi wa Isiraheli Tomer HaCohen, kuva mu Kwakira 2021 kugeza mu ntangiriro za 2023. Guhera ku ya 28 Nyakanga 2023, yatangiye gukundana n'umunyezamu mpuzamahanga w'umupira w'amaguru muri Isiraheli Daniel Peretz.

Ku ya 11 Nyakanga 2022, yatoranijwe n’ikigo cya Isiraheli gishinzwe gutangaza amakuru kugira ngo ahagararire igihugu cye mu marushanwa y’indirimbo za Eurovision 2023. Bukeye, Kirel yavuze ko atarafata umwanzuro, kandi ko azafata umwanzuro nyuma,ku ya 10 Kanama, yemeza ko azitabira aya marushanwa.

Indirimo ye Unicorn yasohotse ku ya 8 Werurwe 2023 ari nayo yaserukanye muri iryo rishanwa rya Eurovision.

Kirel yitwaye neza muri kimwe cya kabiri cy’irangiza kandi yujuje ibisabwa ku mukino wa nyuma. Yashyizwe ku mwanya wa gatatu ku mukino wa nyuma, ahabwa amajwi ya kabiri amugaragaza nk'umwe mu bacamanza babigize umwuga.

Nubwo  muri Israel byagiye bisa n’ibihinduka uko imyaka yagiye ihinduka imyemere ikagenda yivanga ariko ntibikuraho ko ari hamwe habitse amateka menshi ku bivugwa  muri Bibiliya  ko Israel ari ubwo butaka  Imana yitoranirije nubwo muri iyi minsi abahatuye batamerewe neza kubera intambara iki gihugu kirimo n’umutwe wa Hamas.

Kirel afite impano zitandukanye 

">

Umwanditsi:Iyakaremye Emmanuel