Paula Kajala yemeje ko we na Marioo bagiye kwibaruka

Mu byishimo byinshi, Paula Kajala ukomeje gutigisa  imbuga nkoranyambaga n'ibinyamakuru by'imyidagaduro, yasabye inshuti kumufasha kugura ibyangombwa nkenerwa by’umwana muri Leta Zunze Ubumwe za Amerika.

Ibi akaba abitangaje nyuma y’uko bari barahishe ko bitegura kwibaruka bakanatera utwatsi inkuru zose zibivugaho nyamara abanyamakuru nka Kimambi bagakomeza kwemeza ko bafite amakuru atariho ivumbi ko Paula n’umukunzi we Marioo bagiye kunguka imfura yabo.

Kimambi yavugaga ko amaze guhurira nabo kwa muganga inshuro zirenga imwe bagiye mu bikorwa bigenerwa ababyeyi bagiye kwibaruka.

Paula Kajala byarangiye asabye Mange Kimambi uri mu bavuga rikijyana byumwihariko b’itangazamakuru bashinze imizi ko yamufasha mu kugura ibikoresho by’umwana yitegura kwibaruka.

Ibi yabivuze agira ati”Hari ibintu nkeneye by’umwana, nabikohereje mu butumwa bwihariye [dm] wamfasha kubigura muri Leta Zunze Ubumwe.”

Mange yabimwemereye anamubwira ko azamugurira ibifatika, bigezweho kandi byiza ku mwana.

Marioo asanzwe yitwa Omary Ally Mwanga uri no mu bahanzi bahagaze neza mu muziki wa Tanzania byumwihariko mu njyana z’ubu nka Amapiano.

 Paula akomoka mu muryango w’ibyamamare mu myidagaduro ya Tanzania,yanagiye avugwa mu nkuru z’urukundo n’abarimo Rayvanny na Harmonize.Marioo na Paula Kajala baritegura kwibaruka umwana wabo w'imfuraMarioo ari mu bahanzi bahagaze neza mu gihugu cya Tanzania Paula Kajala yasabye Kimambi kumufasha kugura bimwe mu bintu nkenerwa by'umwanaMarioo na Paul Kajala kuva bakwemeza ko bari mu rukundo rweruye bakomeje kugarukwaho cyane mu myidagaduro