Indirimbo 'Calm Down' y'umuhanzi Rema wo muri Nigeria yasubiranyemo n'icyamamarekazi Selena Gomez yongeye guca agahigo, yuzuza ibyumweru 68 imaze ku rutonde rwa 'Pop Airplay' ruhurizwaho indirimbo zikunzwe cyane ku Isi.
Nyuma y'umwaka umuhanzi Divine Ikubor wamamaye nka Rema mu muziki, yiyambaje icyamamarekazi Selena Gomez bagasubiranamo indirimbo ye 'Calm Down' yabaye isereri mu mitwe ya benshi, ubu yongeye gushimangira ubwiza bwayo ku rutonde rwa 'Pop Airplay'.
Iyi ndirimbo 'Calm Down Remix', yujuje ibyumweru 68 iri ku rutonde rw'indirimbo zikunzwe ku Isi rwitwa 'Pop Airplay' rukorwa na Billboard ari nayo isohora uru rutonde. Iyi ndirimbo ikaba iri ku mwanya wa 12 mu ndirimbo 50. Ikiza kuri uru rutonde yamaze ibyumweu 5 bya mbere iri ku mwanya wa mbere.
Rema na Selena Gomez babikesha iyi ndirimbo, bahise bakuraho agahigo kari gafitwe n'umuhanzi w'Umwongereza Harry Styles wari ufite indirimbo ye 'As It Was' yarimaze ibyumweru 63 kuri uru rutonde.
Indirimbo ya Rema yasubiranyemo na Selena Gomez yaciye agahigo ko kuzuza ibyumweru 68 ku rutonde rw'indirimbo mpuzamahanga zikunzwe rwa 'Pop Airplay'
'Calm Down' ikaba ibaye indirimbo ya mbere ihuriwemo n'abahanzi babiri imaze igihe kinini kuri uru rutonde. Byumwihariko niyo ndirimbo y'umuhanzi nyafurika ibashije kurenza ibyumweru 50 kuri uru rutonde nk'uko Billboard yabitangaje.
Iyi ndirimbo yahinduriye ubuzima Rema w'imyaka 24, mu 2023 yaciye uduhigo tunyuranye mpuzamahanga, ndetse inamuhesha igikombe cya 'MTV'S VMAS' ndetse inamuhesha kuba umuhanzi nyafurika wa mbere uririmbye mu bihembo bya 'Ballon d'Or'.
Iyi ndirimbo yatumye Rema aba umuhanzi nyafurika wa mbere uciye aka gahigo
Eng
RSS 
TANGA IGITECYEREZO