League 1: Kylian Mbappe na Barcola bafashije PSG kwikura kuri Stade Bollaert-Delelis

Ni umukino Lens yari yakiriye kuri Stade Bollaert-Delelis. Imbere y'abafana ba Lens, Paris Saint-Germain yayitsinze iguma kuyobora urutonde rwa shampiyona.

Nubwo Lens yatsinzwe idakozemo, ku munota wa 7, Przemyslaw Frankowski yarase Penaliti, yatumye ikipe yabo itinjira mu mukino, ikaguma kurushwa na Paris Saint-Germain.

Ibyo kurata Penaliti kwa Przemyslaw Frankowski, ntacyo byari bibwiye Paris Saint-Germain, dore ko Bradley Barcola yahise ayitsindira igitego cya mbere ku munota wa 30. Igitego cya Bradley Barcola, yagitsinze ku mupira yahawe na Kylian Mbappe.

Ku munota wa Gatatu w'inyongera mu gice cya mbere, Paris Saint-Germain yakomye mu mashyi, kuko yasigaye mu kibuga ari abakinnyi 11, Lens bo bari babaye 10, kubera ikarita itukura yahawe Jonathan Gradit.

Igice cya mbere cyarangiye ari igitego kimwe cya Paris Saint-Germain, ku busa bwa Lens yari imaze kubona ikarita itukura.

Mu gice cya Kabiri, Lens yari ifite abakinnyi 10 mu kibuga, yagerageje kwataka ngo irebe ko yagombora, birangira igitego kibuze. 

Ku munota wa 89, Paris Saint-Germain yabonye igitego cya Kabiri cyatsinzwe na Kylian Mbappe, umukino urangira ifite ibitego bibiri ku busa bwa Lens.

Gutsinda uyu mukino, byatumye Paris Saint-Germain iguma kuyobora urutonde rwa shampiyona ya League 1 n'amanota 43. Iyikurikiye ni Nice ifite amanota 35.

Clermont Foot na Lorient nizo zifite amahirwe make yo kuguma mu cyiciro cya mbere. Clermont  Foot ni iya 17 n'amanota 14, naho Lorient ni iya nyuma n'amanota 12.

Paris Saint-Germain yatsinze Lens, ikomeza kuyobora urutonde rwa shampiyona ya league 1 

Kylian Mbappe na Barcola nibo batsindiye Paris Saint-Germain