Los Angeles Lakers na Miami Heat, ni umwe mu mikino iba itegerejwe na benshi muri Leta Zunze Ubumwe za America dore ko ari umukino uba uhuza ibyamamare bitandukanye. Kuri uyu wa Kane, ibyamamare bya Miami Heat, byagaritse ibya Los Angeles Lakers.
Los Angeles Lakers yari yakiriye Miami Heat kuri Crypto.com Arena. Ni umukino warangiye Los Angeles Lakers itsindiwe imbere y'abafana bayo amanota 96 ku 110 ya Miami Heat.
Ibyamamare byakinnye uyu mukino twavuga nka LeBron James na Anthony Davis ba Los Angeles Lakers, ndetse na Adebayo na Jivic ba Miami Heat.
N'ubwo Miami Heat yatsinze uyu mukino, byababaje abakunzi bayo kuko yawukinnye idafite Jimmy Butler wavunitse mu Kirenge. Ku ruhande rwa Los Angeles Lakers, intwaro batari bafite ni D'Angelo Russell, ufite ibibazo byo kunanirwa mu mubiri.
Los Angeles Lakers yari yakiriye uyu mukino, abakinnyi batanu yatangiranye umukino ni LeBron James, Prince, Anthony Davis, Reaves na Reddish. Miami Heat yo, abakinnyi yatangiranye umukino ni Lowry, Herro, Adebayo, Jaqueez Jr na Jovic.
Imbere y'abafana bayo, Los Angeles Lakers yatsinze agace ka gatatu gusa, mu gihe utundi dutatu twihariwe na Miami Heat. Ako gace Los Angeles Lakers yatsinze amanota 22 kuri 19 ya Miami Heat.
Miami Heat, yatangiye itsinda agace ka mbare n'amanota 25 kuri 18 ya LA Lakers, aka kabiri itsinda 28 kuri 27, mu gihe aka kane yatsinze 38 kuri 29. Umukino warangiye ari intsinzi ya Miami Heat kumanota 110 kuri 96 ya Los Angeles Lakers.
Gutsinda uyu mukino, byagize ingaruka nziza kuri Miami Heat ibarizwa muri Leta ya Florida mu gace k'Uburasiraziba, biba na bibi kuri Los Angeles Lakers yatsinzwe. LA Lakers yo ibarizwa muri California mu Burengerazuba bwa Leta Zunze Ubumwe za America.
Ku rutonde rw'agateganyo rwo mu Burengerazuba, ubu Los Angeles Lakers ni iya cumi, aho imikino imaze gutsindwa ariyo myinshi kuruta iyo yatsinze. LA Lakers imaze gutsinda imikino 17, mugihe imaze gutsindwa imikino 18.
I Burasirazuba ho, Miami Heat yahise ifata umwanya wa Kane, ubwo imaze gutsinda imikino 20, ikaba yaratakaje imikino 14.
Kuri crypto Arena, Los Angeles Lakers yatsinzwe na Miami Heat mu rugo
Gutsinda uyu mukino byatumye Miami Heat iba iya Kane ku rutonde rw'agateganyo rwo mu Burasirazuba
Eng
RSS 
TANGA IGITECYEREZO