Muhire Kevin ukina mu kibuga hagati mu ikipe ya Rayon Sports, yasezeranye imbere y'amategeko na Cyuzuzo Delphine.
Ni umuhango wabaye ku gicamunsi cyo kuri uyu wa Kane, ubera ku Murenge wa Kimisagara. Muhire Kevin na Cyuzuzo Delphine basanzwe babana kuko bafitanye n'abana.
Muhire Kevin uherutse gusinyira Rayon Sports avuye muri Misiri, ni umwe mu bakinnyi bafashije Rayon Sports mu mikino ibanza ya shampiyona yasojwe kuri uyu wa Gatatu.
Amakuru agera ku InyaRwanda, avuga ko Muhire Kevin yafashe umwanzuro wo gusezerana mu murenge na Cyuzuzo Delphine kuko abona ko umwaka utaha ashobora kuzajya gukina hanze, kandi akaba adashaka kongera kugenda adasezeranye n'umufasha we.
Andi makuru kandi avuga ko Muhire Kevin ashobora kwerekeza mu ikipe ya Sandvikens IF yo muri Suwede, isanzwe ikinamo abanyarwanda babiri Muhire Kevin na Mukunzi Yannick.
Muhire Kevin usanzwe ukinira n'ikipe y'igihugu Amavubi, yasezeranye imbere y'amategeko na Cyuzuzo Delphine
Munyakazi Sadate na Uwayezu Jean Fidele bari mu bari baherekeje uyu mukinnyi
Eng
RSS 
TANGA IGITECYEREZO