Kuri iki cyumweru hakinwe umukino wa nyuma wa NBA In season Tournament. Los Angeles Lakers yatwaye igikombe itsinze Indiana Pacers mu mukino wabereye i Las Vegas.
Ni umukino wari witabiriwe n'abafana ibihumbi 19021, wabereye kuri T-Mobile Arena.
Abakinnyi Los Angeles Lakers yatangiranye umukino ni LeBron James, Reddish, Anthony Davis, Russell na Prince.
Indiana Pacers yo yatangiranye umukino abakinnyi barimo Halibrton, Brown, Turner, Hield na Toppin.
Los Angeles Lakers yamanutse mu kibuga yafunze impande zose kuko nta gace na kamwe Indiana Pacers yaje gutsinda muri uyu mukino. Agace Lakers yatakaje ni aka Kabiri kandi nako yakanganyije amanota 31 ku yandi.
Agace ka mbere Lakers yatsinze amanota 34 kuri 29, aka gatatu Itsinda 25 kuri 22 naho aka Kane Itsinda 33 kuri 27. Ni umukino warangiye ari amanota 123 ya Los Angeles Lakers ku 109 ya Indiana Pacers.
Reaves, Anthony Davis na LeBron James ba Los Angeles Lakers nibo bakinnyi batatu bitwaye neza muri uyu mukino.
Anthony Davis yatsinze amanota 41, Rebound 20 na assist 5. Reaves yatsinze amanota 28, Rebound 2 na assist 3 naho LeBron James atsinda amanota 24, Rebound 11 na assist 4.
Ku ruhande rwa Indiana Pacers, Halibrton niwe witwaye neza, yaje ari umukinnyi wa Kane mu bagize umukino mwiza. Halibrton yatsinze amanota 21 Rebound 1 na assist 11.
Los Angeles Lakers itwaye igikombe nyuma y'akazi gakomeye kahereye muri kimwe cya Kane. Imikino yabaye muri kimwe cya Kane, Milwaukee Bucks yasezereye New York Knicks, Indiana Pacers isezerera Boston Celtics, Los Angeles Lakers isezerera Phoenix Suns, mu gihe New Orleans Pelicans yasezereye Sacramento Kings.
Amakipe yageze muri kimwe cya Kabiri ni Milwaukee Bucks, Indiana Pacers, Los Angeles Lakers na New Orleans Pelicans.
Muri kimwe cya Kabiri, Los Angeles Lakers yakatishije itike yo gukina umukino wa nyuma itsinze New Orleans Pelicans, mu gihe Indiana Pacers yo yageze ku mukino wa nyuma itsinze Milwaukee Bucks.
Los Angeles Lakers yegukanye NBA In season Tournament mu mukino wasorejwe i Las Vegas
LA Lakers yegukanye igikombe itsinze Indiana Pacers mu mukino utari woroshye na gato
LeBron James w'imyaka 38 y'amavuko, yogeye gutwara igikombe cyiyongereye kubyo yatwaye
Abakunzi ba Los Angeles Lakers bishimye kubera ko Ikipe yabo yegukanye NBA In season Tournament
LeBron James akomeje kuba akungo gashaje karyosha imboga
Eng
RSS 
TANGA IGITECYEREZO