Tanzania na Morocco mu itsinda rimwe! Uko Tombola ya CHAN 2024 yagenze

Iyi tombola yabaye mu mugoroba wo kuri uyu Wa Gatatu tariki ya 15 Mutarama 2025 ikaba yabereye i Nairobi, muri Kenyatta International Convention Centre (KICC) .

Muri iyi tombola yayobowe n'abanyabigwi b'umupira w'amaguru,McDonald Mariga ukomoka muri Kenya , Mrisho Ngasa ukomoka muri Tanzania na Hassan Wasswa ukomoka muri Shampiyona Uganda, ibihugu 17 byabonye itike yo gukina CHAN 2024 kongeraho ibindi 2 bitaramenyekana , byagabanyijwe mu matsinda ane.

Mu itsinda A harimo Kenya izakira iri rushanwa byumwihariko  aho irikumwe na  Morocco, Angola, DR Congo na Zambia. Mu itsinda B harimo Tanzania izakira iri rushanwa byumwihariko  irikumwe na Madagascar, Mauritania, Burkina Faso na Central African Republic.

Mu itsinda C harimo Uganda izakira iri rushanwa byumwihariko irikumwe na  Niger, Guinea n'ibindi bihugu bibiri bitaramenyekana.

Mu itsinda D ho harimo Senegal ifite igikombe giheruka,Congo, Sudani na Nigeria.

Iyi tombola ibaye nyuma y'uko ku munsi w'ejo ku wa Kabiri aribwo impuzamashyirahamwe y'umupira w'amaguru ku Mugabane w'Afurika, CAF yaherukaga gutangaza ko CHAN 2024 itazaba mu kwezi gutaha kwa 2 ahubwo izaba mu kwezi kwa 8.

CAF yavuze ko yarisubtse nyuma y'uko igiriwe inama na zimwe mu mumpuguke zayo aho zasanze kugira ngo ibikorwaremezo byo muri Kenya,Uganda na Tanzania bizabe biri ku rwego rwiza rwo kwakira CHAN bigikeneye igihe kirekire cyo gutegurwa.

Ni mu gihe kandi biteganyijwe ko ibihugu bibiri bisigaye kugira ngo ibihugu 19 bizakina CHAN 2024 byuzure, biteganyijwe ko hazabaho imikino yo kugira ngo bihitwemo. Ibyo bihugu ni Algeria,Comoros, Misiri, Afurika y'Epfo,Malawi, Gambia na Gabon