Ikipe ya Rayon Sports yamaze gutangaza ko yasinyishije rutahizamu Alsény Camara Agogo wari umaze iminsi mu igerageza.
Ku
gicamunsi cyo kuri uyu wa Kane, ni bwo ikipe ya Rayon Sports ibinyujije ku
mbuga nkoranyambaga zayo, yatangaje ko yasinyishije rutahizamu ukomoka muri
Guinea, Alsény Camara Agogo.
Uyu
rutahizamu w’imyaka 28, yari amaze hafi ibyumweru 2 ari mu igerageza, gusa
nyuma yaho yerekaniye ubuhanga yari akeneweho, akaba yahise asinya amasezerano
azarangirana n'iyi shampiyona.
Agogo
ni umwe mu bo Rayon Sports ishaka gusimbuza Musa Esenu mu gihe batakomezanya,
agasoza agize amasezerano azarangira muri Mutarama umwaka utaha.
Alsény
Camara yakiniye amakipe atandukanye nka Kaloum na Horoya AC iwabo muri Guinée,
ASAC Ndiambour, Sacré-Coeur na Guediawaye FC muri Sénégal ndetse na Hassania
d’Agadir yo muri Maroc.
Agogo yasinye amasezerano y'amezi 6 ari umukinnyi wa Rayon Sports iri ku mwanya wa kabiri muri shampiyona
TANGA IGITECYEREZO