Ikipe ya Police VC yo mu Rwanda yegukanye igikombe mu Bagabo naho Pipeline yo muri Kenya yegukana igikombe mu bagore mu irushanwa Nyafurika 'Zone V clubs Championship' ryari riri kubera mu Rwanda.
Guhera kuwa Kabiri w'icyumweru gishize ni bwo mu nzu y’imikino ya BK Arena haberaga irushanwa mpuzamahanga ry’umukino wa Volleyball rihuza amakipe yo mu karere k’iburasirazuba rikaba ryarasojwe ku cyumweru hakinwa imikino ya nyuma ndetse n'ibikombe bibona ba nyirabyo.
Umukino wa nyuma mu bagabo wahuzaga ikipe ya Sport-S yo muri Uganda yari yasezereye Kepler yo mu Rwanda, ndetse na Police VC yari yasezereye APR VC.
Warangiye Police VC yari ifite abafana benshi muri BK Arena yitwaye neza yegukana igikombe itsinze amaseti 3-1 (20-25, 25-14, 25-21, 25-17). Mu bagore ho kegukanwe na Pipeline yo muri Kenya itsinze Rwanda Revenue Authority yo mu Rwanda amaseti 3-0(25-20, 25-23, 25-19).
Ku makipe yegukanye imyamya ya 3, mu bagabo wegukanywe n’ikipe ya APR VC itsinze ikipe ya Kepler VC amaseti 3-2(25-21, 25-18, 28-30, 23-25, 15-12) naho mu bagore wegukanwa n’ikipe ya APR WVC itsinze ikipe ya Police WVC amaseti 3-1(25-21, 25-18, 28-30, 23-25, 15-12).
Police VC yegukanye igikombe mu bagabo
Minisitiri wa siporo, Aurore Mimosa Munyangaju ari mu bari baje kureba iyi mikino
Eng
RSS 
TANGA IGITECYEREZO