Ahabanza Cinema

Umuvandimwe wa Kevin Hart utinya imbuga nkoranyambaga yavuzweho byinshi

Yanditswe na: Muramira Racheal
Taliki:15/11/2023 16:43 0

Robert Hart umuvandimwe w’umukinnyi wa filime Kevin Hart wagize uruhare no mu kwamamara kwe yatangajweho bimwe mu bikorwa by'intashyikirwa yakoze.

Kevin Hart umwe mu bakinnyi ba filime bakomeye muri Leta Zunze ubumwe za Amerika akaba umunyarwenya ukundwa na benshi ku Isi, afite umuvandimwe wamufashije gukabya inzozi ze utarigeze uvugwaho byinshi.

Umunyarwenya Kevin Hart udakunze kuvuga ku muryango akomokamo, yamamaye mu buryo bugoye mu mwuga wa sinema ariko bamwe barimo mukuru we Robert Hart bamufasha kugera ku byo yarotaga gukora nko gutambutsa urwenya.

Kevin Hart akunda mukuru we Robert Hart wagize uruhare runini mu iterambere rye

Benshi bakunze gutekereza ko nta muryango mugari Kevin Hart afite bitewe no kutawuvugaho byinshi, nyamara hatangajwe mukuru we Robert wazamuye ukuboko kwe agakora ku byifuzo bye birimo kwamamara byahoze mu nzozi.

Robert Hart yavutse ari imfura mu muryango wa Nancy Hart ndetse na Henry Witherspoon nyuma akurikirwa na Kevin Hart waje guhinduka ikimenyabose kubera sinema.

Nubwo bakuze ari inkurikirane basangiye akabisi n’agahiye ndetse bafashanya muri byinshi byo mu muryango, gusa Robert ntiyakunze kwigaragaza mu binyamakuru no kuvuga ku buzima bwe.

Kevin Hart wagize amahirwe yo kuvukana n’umuntu umufasha, yatangaje ko yanyuzwe n’imbaraga Robert Hart mukuru we yagiye atakaza amufasha, ndetse akamukunda urukundo rwa kivandimwe rwuzuye.

Mukuru wa Kevin Hart yahisemo kwirinda gukoresha imbuga nkoranyambaga mu rwego rwo kwirinda gushyira hanze ubuzima bwe.

Ticker TV News itangaza ko, mukuru wa Hart akunze kwitabira ibikorwa by’umuryango wa Kevin Hart, ariko kwivugaho no kwigaragaza bikaba gake gashoboka.

Kevin Hart na mukuru we Robert Hart bavukiye ahitwa Philadelphia. Ubwo se ubabyara yajyanwaga muri gereza Kevin Hart akiri umwana, Robert afatanije na nyina Nancy bareze Kevin Hart arakura aba umugabo nkuko ikinyamakuru People kibisobanura.

Kevin Hart wanyuzwe n’ibikorwa bya mukuru we yatangaje uko yiyumva. Muri 2021 ubwo Robert Hart yuzuzaga imyaka 50, Kevin Hart yanditse ati “Isabukuru nziza muvandi! Warakoze gufata inshingano yo kumfasha. Urukundo rwawe n’ubufasha wampaye byangejeje ku nzozi mpinduka ukomeye”.