Ikoti ryambawe n'icyamamare Michael Jackson mu 1998, kuri ubu ryatejwe cyamunara maze rigurwa ibihumbi 306 by'Amadolari angana n'asaga Miliyoni 306 z'amanyarwanda.
Na nyuma y'imyaka 14 kizigenza mu njyana ya Pop, Michael Jackson, yitabye Imana, aracyakomeje guca agahigo. Ubu ikoti yambaye mu 1998 ryamaze kugurishwa akayabo muri cyamunara nyuma y'imyaka 25 ryambawe n'uyu mugabo ufatwa nk'umwami wa Pop.
TMZ yatangaje ko iri koti Michael Jackson yaryambaye mu 1998 ubwo yafataga amashusho yamamaza ikinyobwa cya Pepsi kizwiho kuba cyaramamajwe n'ibyamamare bikomeye birimo nka Beyonce, Jennifer Lopez, Cardi B n'abandi benshi.
Ikoti ryambawe na Michael Jackson mu 1998 ryagurishijwe Miliyoni 306 Frw
Iri kote riri mu bwoko bwa 'Leather' (uruhu) mu mabara y'umweru n'umukara. Ngo ryatanzwe gukurishwa mu cyamunara riturutse ku muvandimwe we mukuru witwa Randy Jackson bahoranye mu itsinda rya 'The Jackson 5'. Iri koti ngo Randy yarihawe na Michael nk'impano mu 2000 kuva ubwo aribika neza.
Iri koti niryo Michael Jackson yambaye mu mashusho yamamaza ikinyobwa cya Pepsi
TMZ ikomeza ivuga ko iri koti rya Michael Jackson ribaye umwambaro wa kabiri ugurishijwe amafaranga menshi, nyuma y'uko muri Gicurasi uyu mwaka, Kim Kardashian yaguze ikanzu yambawe na Princess Diana kuri Miliyoni 1 y'Amadolari.
Iri koti ribaye umwambaro wa kabiri w'icyamamare ugurijwe amafaranga menshi mu 2023
Eng
RSS 
TANGA IGITECYEREZO