Umuhanzikazi akaba n'umwanditsi w'indirimbo ukomeye mu gihugu cya Uganda na Afurika muri rusange, Juliana Kanyomozi, yabuze umuvandimwe we witabye Imana.
Prince Edward Freeman Kim uzwi nka Eddy Kim, yitabye Imana tariki ya 1 Ugushyingo 2023 nk'uko byatangajwe na Kanyomozi ku mbuga nkoranyambaga ze mu magambo yuje agahinda.
Yagize ati: "Mu gahinda gakomeye, umuryango wa Nyakwigendera Prince Gerald Manyindo, uramenyesha urupfu rw'umuhungu wabo, umuvandimwe, umugabo ndetse akaba n'umubyeyi, Prince Edward Freeman Kim, witabye Imana mu gitondo cyo kuri uyu wa Gatatu tariki ya 1 Ugushyingo 2023".
"Imyiteguro yo gushyingura iracyari gutegurwa bikaba bizatangazwa vuba, naho ikiriyo kikaba kiri bubere mu rugo iwe muri Kawanda".
Uyu muhanzikazi wamenyekanye cyane mu ndirimbo nka 'Mama Mbire', ntabwo yigeze atangaza intandaro y'urupfu rw'umuvandimwe we.
Nyuma yo kwandika ibi ku mbuga nkoranyambaga ze, abantu batandukanye batangiye kumwandikira ubutumwa bwo kumuhumuriza, bamugaragariza ko bari kumwe nawe muri ibi bihe bigoye arimo.
Umunyamidelikazi ndetse akaba na rwiyemezamirimo ukomeye muri Uganda, Zuena Kirema yagize ati: "Wihangane ku bw'igihombo wagize, Imana igukomeze kandi roho n'ubugingo bye biruhukire mu mahoro".
Umuhanzikazi Remah Namakula yavuze "Imana igukomeze n'umuryango wawe".
Abarimo Eddy Kenzo, Sheebah Karungi, Lilian Mbabazi n'ahandi benshi bo mu muziki wa Uganda bakomeje kugaragaza ko bifatanije nawe mu gahinda arimo ko kubura umuvandimwe.
Juliana Kanyomozi ari kumwe n'umuvandimwe we witabye Imana
Eng
RSS 
TANGA IGITECYEREZO