Jennifer Hermoso niwe watsinze igitego cyahaye Espagne igikombe cy'isi mu Bari n'Abategarugori. Nyuma yo gutsinda icyo gitego yasomwe na Luis Rubiales bikaba byarakuruye umpaka z'urudaca.
Ubwo uwayoboraga ishyirahamwe ry'umupira w'amaguru muri Espagne, Luis Rubiales, yasomaga Jennifer Hermoso, yavuze ko byamutunguye atari yabigambiriye. Ibyo gusomwa kwa Jennifer Hermoso, byavuyemo kwegura ku mirimo kwa Luis Rubiales ndetse na FIFA ibyinjiramo.
Nyuma y'ibyo byabaye kuri Jenni Hermoso, kuri uyu wa Gatatu yongeye kwisanga ku rutonde rw'abakinnyi bazafasha Espagne mu mikino ya Women National League. Espagne iritegura imikino ibiri ya Switzerland ndetse n'u Butaliyani.
Abakinnyi bahamagawe mu ikipe y'igihugu ya Espagne mu bari n'abategarugori
Mu izamu: Misa Rodriguez, Cata Coll na Enith Salon
Ba Myugariro: Ona Batlle, Oihane Hernandez, Irene Paredes, Ivana Andres, Laia Aleixandri, Maria Mendez na Olga Carmona
Abakina mu kibuga hagati: Tere Abelleira, Maite Oroz, Aitana Bonmati, Alexia Putellas na Anna Torroda
Ba Rutahizamu: Salma Paralluelo, Jenni Hermoso, Mariona Caldentey, Inma Gabarro, Amaiur Sarriegi, Athenea Del Castillo, Ester Gonzalez na Lucia Garcia
Jennifer Hermoso watsinze igitego cyahaye Espagne igikombe cy'isi mu Bari n'abategarugori, yongeye guhabwa icyubahiro agarurwa mu ikipe y'igihugu
Ubwo umukino warangiraga Luis Rubiales yahise afata Jenn Hermoso aramusoma. Ibi byavuyemo impaka z'urudaca
Eng
RSS 
TANGA IGITECYEREZO