Ni icyizere nagiriwe-Niyonizera Judith wambitswe impeta imbere ya nyirabukwe na Sebukwe-AMAFOTO

Yabwiye InyaRwanda ko umuhango wo kumwambika impeta wabaye mu minsi ishize ubera muri Mexique, ariko atifuje guhita abitangaza ngo ashyire hanze aya mafoto.

Aya mafoto yagiye hanze mu gihe uyu mugore ari kwizihiza isabukuru y’amavuko, yishimira ibyo Imana yamukoreye mu buzima bwe.

Yavuze ko ashima Imana kubera inzira y’ubuzima amaze kunyuramo, kandi yiragiza Imana mu minsi ye iri imbere. Yabwiye Imana ati “Nkuragije n’ibiri imbere.”

Yagize ati “Umuhango wabereye muri Mexique mu minsi ishize. Ariko sinifuje guhita mbishyira hanze, kuko ni ubuzima bwanjye n’ubwe-Ni ibyo kwishimira.”

Niyonizera Judith ufite filime zirimo nka ‘Za Nduru’, yavuze ko kwambikwa impeta ari umuhango usanzwe, kuko icy’agaciro yumva neza ari icyizere yagiriwe n’umukunzi we bamaze igihe mu munyenga w’urukundo.

Yakomeje ati “Kwambikwa impeta ni umuhango, ni ibisanzwe ahubwo igifite agaciro nicyo cyizere uba ugiriwe (n’umukunzi we).”

Yambitswe impeta nyuma y’uko atandukanye byerura mu mategeko n’umuhanzi Safi Madiba, ni nyuma y’ubukwe bwari bakoze mu mwaka wa 2017.

Umukunzi we wa Niyonizera Judith yitwa, yavukiye ahitwa Kelowna mu Mujyi wa Vancouver mu gihugu cya Canada. 

Judith avuga ko nyuma y'uko umukunzi we amwambitse impeta ku mazina ye yongeyeho 'King'. Ati "Ubu sinamuvuga mu mazina ye, ahubwo ni umwami wanjye."

Dustin, umukunzi we Niyonizera Judith yamutunguye ku isabukuru ye y'amavuko amwambika impeta y'urukundo 

Ababyeyi b'umukunzi we Judith Niyonizera [Sebukwe na Nyirabukwe] bashyigikiye intambwe umusore wabo yateye

Judith avuga ko ari icyizere yagiriwe n'umukunzi we 

Imyaka irenze ibiri Judith ari mu rukundo n'uyu mugabo wo muri Canada

Judith avuga ko yasohoye aya mafoto ku isabukuru ye y'amavuko yishimira ibyo Imana yamukoreye-Aba bombi baritegura gukora ubukwe mu minsi iri imbere

Sekuru na Nyirakuru b'umukunzi we Judith bari muri Mexique muri uyu muhango 'umukazana w'abo' yambikiyemo impeta