Burundi: Biratangaje! Umuramyi Destin yegukanye irushanwa ry’ikinyobwa gisembuye cya Primus-AMAFOTO

Primusic, irushanwa ry’umuziki ryari rimaze iminsi rijya mbere mu gihugu cy’u Burundi, ryaraye risojwe, ryegukanwa n'umwe mu baramyi batanga icyizere muri iki gihugu.

Ni ibintu bidasanzwe kumva umuhanzi w’indirimbo zo kuramya no guhimbaza Imana yegukanye irushanwa ry’ikinyobwa gisembuye kuko abarokore bazwiho kudasoma kuri iki kinyobwa. Gusa mu muziki bisa nk'aho bitandukanye.

Uyu wegukanye iri rushanwa, ni uwitwa Francis Destin Ndereyimana aho yahise anahabwa Miliyoni 30 z’amafaranga akoreshwa mu gihugu cy’u Burundi mu manyarwanda ni Miliyoni 12.6.

Ni mu gihe uwa kabiri yabaye Shoffan Niyirema wahawe Miliyoni 15FBU [Miliyoni 6.3Frw], umwanya wa Gatatu wegukanwe na Espoir Nzoyihaya wegukanye Miliyoni 5FBU [Miliyoni 2.1Frw].

Ibirori byo gutanga ibi bihembo byaririmbyemo abahanzi banyuranye barimo Bruce Melodie wari wavuye mu Rwanda, kimwe n’abahanzi bagezweho mu gihugu cy’u Burundi Kirikou, Double Jay, Vichou, B Face na Sat B.Francis Destin Ndereyimana usanzwe ari umuramyi ni we wegukanye PrimusicShoffan yegukanye umwanya wa Kabiri muri PrimusicEloi Espoir Nzoyiha yegukanye umwanya wa Gatatu Abahanzi bakomeye baririmbye mu gitaramo cyaherekeje isozwa ry'irushanwa rya Primusic

AMAFOTO: PRIMUS BURUNDI