Iserukiramuco rya Muzika 'Cambridgeshire' ryasubukuwe

Ibirori bya Music Festival byagarutse nyuma yo guhagarara imyaka igera ku icyenda

Iri serukiramuco ryatangiriye i Peterborough mu 1998, aho abahanzi 25 n’amatsinda baririmbiraga ahantu rusange h’umujyi.

Ibi birori byitabirwaga n’abagera ku 50.000 mu myaka yashize, kugeza bihagaze mu 2014 kubera ibiciro byiyongereye ndetse n’imbogamizi zo gukomeza gutegura ibirori ku buntu.

Ni ibirori byitabirwaga n'imbaga y'abantu benshi mbere y'uko bihagarara muri 2014

Biteganijwe ko uyu mwaka bizaba ku ya 21, 22 na 23 Nyakanga, hakorwa ibikorwa bikubiye mu byiciro bitandukanye.

Mark Ringer yashinze iri serukiramuco agamije gushyigikira abahanzi baririmba imbonankubone no gukurura abantu banyuranye binyuze mu buryo bwo kwinjira ku buntu.

Nyuma y’imyaka icyenda ihagaze, Bwana Ringer "yeguriye ingoma" John Scriven, umuyobozi uhagarariye ibikorwa uyu mwaka.

Bwana Scriven yagize ati: "Iri serukiramuco rigamije kongera kwishimira umuziki mbonankubone,abo bahanzi bose bo mu gihugu hose bifuzaga kumvikana, kumenyekana muri rubanda, kubera ko bamwe muri bo bifuza kubikora mu buryo bwo kwishimisha, ariko abandi bo bifuza kubikora nk’umwuga."