Real Madrid yamaze kurangiza igikorwa cyo gusinyisha umukinnyi ukiri muto ukomoka Muri Turkiya w'imyaka 18 y'amavuko, Arda Guler. Guler yakiniraga Fenerbhce yo muri Turkiya.
Uyu munya-Turkiya w'imyaka 18 y'amavuko yasinye imyaka itandatu, ubwo azaba akinana na Jude Bellingham ukomoka mu Bwongereza, kuri Santiago Bernabeu.
Mu mwaka w'imikino ushyize Arda Guler yatsinze ibitego bine ndetse anatanga imipira ine yavuyemo ibitego. Niwe batowe nk'umukinnyi w'umukino ku mukino wa nyuma w'igikombe cy'igihugu muri Turkiya.
Mu kwezi gushize, Arda Guler niwe watowe nk'umukinnyi mwiza w'ukwezi Muri Shampiyona ya Turkiya.
Mu mwaka w'imikino ushyize Arda Guler yambaraga nimero 10 mu mugongo. Iyi ni Nimero isanzwe yambarwa na Lionel Messi mu makipe atandukanye akinira usibye muri Paris Saint-Germain yambaraga 30. Arda akunze kwitwa Messi wa Turkey.
Real Madrid gusinyisha uyu mukinnyi, ikubise incuro andi makipe yamwifuzaga arimo Manchester United, Arsenal na Newcastle United yo muri English Premier League. Paris Saint-Germain na Bayern Munich nazo zamwifuzaga.
Arda Guler yiyongereye mu mubare w'abakinnyi bakiri bato bakina Real Madrid. Abo ni Eduardo Camavinga, Vinicius Junior, Rodrygo Goes , Aurelien Tchouameni na Jude Bellingham.
Arda Guler ukiri muto yasinye amasezerano y'imyaka itandatu muri Real Madrid
Arda Guler muri Turkiya bari baratangiye kumwita Messi kubera ko ari we afataho urugero ndetse nawe akaba yambara numero 10.
Eng
RSS 
TANGA IGITECYEREZO