Mbappé yageneye ubutumwa Messi nyuma yo kwegukana igihembo cy'umukinnyi w'umwaka

Ikipe ya Paris Saint-Germain yamaze kwegukana igikombe cya shampiyona y'u Bufaransa cya 2023. Iki ni igikombe cya 11 ari nacyo cyahise kibagira ikipe imaze gutwara ibikombe byinshi mu Bufaransa. 

Uku gutwara igikombe, Kylian Mbappé yabigizemo uruhare rukomeye ari nabyo byamugize umukinnyi mwiza w'umwaka. Yatsinze ibitego 28, atanga imipira 6 ivamo ibitego mu mikino 33 ya shampiyona yakinnye. 

Kylian Mbappé kandi niwe umaze gutsinda ibitego byinshi mu Bufaransa aho arusha igitego 1 Alexandre Lacazette.

Uyu kapiteni mushya w'ikipe y'igihugu y'u Bufaransa yashimiye mugenzi we bakinana muri Paris Saint-Germain ariwe Lionel Messi bitewe n'ukuntu yamufashije kuba mwiza akanahabwa igihembo.

Ku kiganiro kiri kuri YouTube ya Paris Saint-Germain, ubwo Kylian Mbappé yari ageze kuri Messi, yamushimiye agira ati: "Yego nibyo ndashimira Lionel Messi cyane wamfashije muri uyu mwaka w'imikino, ni iby'agaciro gukina muri Paris Saint-Germain ufite abakinnyi bameze nkawe".

Lionel Messi ku giti ke nawe yagize umwaka mwiza w'imikino mu ikipe ya Paris Saint-Germain, yatsinze ibitego 16 ndetse ni nawe watanze imipira myinshi yavuyemo ibitego muri shampiyona y'u Bufaransa mu mikino 31 yakinnye.

Kylian Mbappé yegukanye igihembo cy'umukinnyi w'umwaka muri shampiyona y'u Bufaransa

Mbappé yageneye ubutumwa Lionel Messi amushimira ko yamufashije kwegukana igihembo cy'umukinnyi w'umwaka