Kajala n’umukobwa we batangije ikiganiro kizagaruka ku buzima bwabo

Aba bombi bakoze ibirori bikomeye, bihuriza hamwe abantu banyuranye babamukirikira umushinga w’iki kiganiro bise ‘Behind the Gram’.

Ni ikiganiro bavuga ko kizitsa cyane ku buzima banyuramo bitandukanye kure n’ubuzima bakunze kubona babereka ku mbuga nkoranyambaga.

Frida usanzwe ari umukinnyi wa filime aherutse gutangaza ko binyuze muri iki kiganiro azahishura inkuru nyinshi abantu batamenye ku muryango we n’umukobwa we.

Avuga ko muri rusange, iki kiganiro cyubakiye ku ntego yo kwereka abakunzi bacu ‘ubuzima tunyuramo bwa buri munsi’.

Buri cyumweru bazajya bashyira hanze igice gishya. Kimwe mu byo abantu biteze muri iki kiganiro, ni impamvu Frida Kajala akunze kubwira umukobwa we ko yamutengushye nka nyina.

Hanitezwe ibijyanye n’inkuru z’urukundo aba bombi bagarukwaho cyane mu bitangazamakuru binyuranye byo muri Tanzania.Byari ibyishimo mu itangizwa rya 'Behind the Gram'Frida Kajala yanyuzagamo akanacinya akadihoBari babucyereye mu makanzu mezaFrida Kajala n'umukobwa we bari mu byamamarekazi bitigisa imyidagaduro y'Akarere