Umusore wafatiwe hejuru y'idirishya yari yihisheho ubwo yahungaga polisi yamuhigaga kubera guhinga urumogi mu mujyi, kuwa Gatatu yakatiwe gufungwa amezi 28.
Etmond Lika ukomoka mu gihugu cya Albania, muri Gashyantare 2023 nibwo yatawe muri yombi na Polisi yo mu mujyi wa Liverpool mu gihugu cy'u Bwongereza, azira guhinga urumogi mu mujyi.
Kuwa Gatatu tariki ya 29 Werurwe 2023, Etmond Lika ufite imyaka 32 nibwo yakatiwe n'urukiko nyuma y'uko yemeye ko yahawe akazi ko guhinga urumogi no kururinda.
Etmond Lika yabwiye urukiko rwa Crown mu mujyi wa Liverpool ko yageze mu Bwongereza mu mwaka ushize, akaba yarambukijwe n'ubwato buto ndetse uwamuhaye akazi akaba yaramuhembaga amadorari 100 buri munsi, akanamwizeza kumuhindurira ubuzima.
Polisi imaze kumenya amakuru y'uko aho yari ari hahingwa urumogi, abapolisi baramwinjiranye nawe ababonye ahunga aciye mu idirishya ry'inzu. Umwe mu bapolisi yakurikiye uwo musore nawe ahagarara hejuru y'idirishya uwo mupolisi yari yacengejemo umutwe, arimo kureba aho arengeye. Ariko n’ubwo yuriye iryo dirishya akarihagararaho, ntibyamuhiriye kuko bamutahuye bamuta muri yombi kugira ngo akuriranweho icyaha cyo guhinga ibiti 200 by'urumogi, byasanzwe mu rugo rw'inzu nini bamusanzemo ruhinzemo.
Kuwa Gatatu tariki ya 29 werurwe 2023, Urukiko rumaze gusuzuma ibyaha yaregwaga ndetse akanabyemera, rwamukatiye gufungwa amezi 28 ni ukuvuga imyaka 2 n'amezi ane.
Etmond Lika yavuze ko kugira ngo yemere kuba muri iyo nzu anahahinga urumogi, yishyuwe 5000 by'Amayero n'uwamuhaye akazi.
Inkomoko: The dailymail.co.Uk
Eng
RSS 
TANGA IGITECYEREZO