RFL
Kigali

Mark Zuckerberg n’umugore we bibarutse ubuheture

Yanditswe na: Theos Uwiduhaye
Taliki:24/03/2023 19:46
0


Mark Elliot Zuckerberg, umuhanga mu bya mudasobwa washinze urubuga rwa Facebook, yibarutse ubuheture bwe n’umugore we Priscilla Chan.



Zuckerberg yanditse kuri Instagram agaragaza ko mu muryango we bungutse umwana. Ati “Ikaze ku isi Aurelia Chan Zuckerberg! Uri umugisha.”

Aba bombi bamenyanye mu 2003, barushinga mu 2012, bibarutse imfura yabo bise Max ku wa 1 Ukuboza 2015 ndetse na August mu 2017, aba bose  n’uwo bibarutse ni abakobwa.

Ubwo Mark Zurkerberg yibarukaga imfura, we n’umuryango we biyemeje gutanga 99% by’imigabane bafite muri Facebook [yari ahwanye na miliyari 45 z’amadolari] mu bikorwa bitandukanye byo gufasha abana n’indi mishinga iganisha Isi heza.

Mark Elliot Zuckerberg yabonye izuba ku itariki ya 14 Gicurasi 1984, avukira i Dobbs Ferry muri New York. Ni Umunyamerika ufite inkomoko y’Umuyahudi, akora amaporogaramu ya mudasobwa akaba n’umushoramari.

Mark Zuckerberg na bagenzi Dustin Moskovitz na Chris Hughes nibo bakoze Facebook bayishyira ku mugaragaro ku itariki 4 Gashyantare 2004.

Umuherwe nyuma yo gutangiza Facebook, yaguze izindi mbuga nkoranyambaga nka WhatsApp ndetse na Instagram abihuriza mu kigo yise Meta.Zuckerberg n'umwana we bibarutse Umugore wa Zuckerberg yibarutse ubuheture Zuckerberg n'umugore we bamaze imyaka myinshi bakundana Zuckerberg na Priscilla Chan bari basanzwe bafitanye abana babiri 






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND