Umunyarwenya Japhet wo mu itsinda rya ‘Bigomba Guhinduka’, yataramiye ku nshuro ye ya mbere mu gihugu cya Nigeria, binyuze mu gitaramo cy’urwenya ‘JJC’ gitegurwa n’umunyarwenya uri mu bakomeye muri iki gihugu uzwi nka S.L.K.
Iki gitaramo cy'urwenya
cyabaye kuri uyu wa Gatatu tariki 15 Werurwe 2023, aho Japhet yagihuriyemo n'abanyarwenya
batanga icyizere muri iki gihugu barimo Deeone ndetse na Phronesis.
Ni igitaramo cyamaze amasaha
ane ushingiye ku rupapuro rucyamamaza. Cyabereye ahitwa Johnny RockResto.
Japhet yabwiye InyaRwanda
ko yatumiwe muri iki gitaramo biturutse ku gitaramo cye cya mbere
aherutse gukorera mu Rwanda yise 'Stupid Experience'.
Akomeza ati "Muri
kiriya gitaramo, hari urwenya nateye mu rurimi rw'icyongereza, rero hari abantu
ba hano (Nigeria) babibonye barantumira, natumiwe na S.L.K usanzwe itegura
ibitaramo by'urwenya muri iki gihugu."
Japhet avuga ko S.L.K
yamubwiye ko yishimiye uburyo yitwaye mu gitaramo cye cya mbere n'ubwo yasekeje
abantu yisunze ururimi rw'icyongereza.
Uyu munyarwenya usanzwe
ari n'umunyamakuru w'Ikigo cy'Igihugu cy'Itangazamakuru, avuga ko yishimiye
gutaramira muri iki gihugu, kandi 'nishimiye uburyo nakiriwe'.
Yanavuze ko ku wa 19
Werurwe 2023, nabwo azataramira muri Nigeria binyuze mu kindi gitaramo
cy'urwenya azahakorera. Ati "Byari byiza cyane. Ndaza kugaragaza amashusho
y'igitaramo."
Ku wa 20 Gashyantare
2023, ni bwo Japhet yakoze igitaramo cye cya mbere yise “Stupid experience”. Ni
izina yatekereje kuko yaganirizaga abitabiriye byinshi byabaye mu rugendo rwe
birimo n’ibyo yavuga ko bitangaje.
Uyu munyarwenya ateguza
iki gitaramo yavuze ko nta we ukwiye kwitiranya kuba agiye kwikorana igitaramo
no kuba yaba afitanye ibibazo na mugenzi we babana mu itsinda rya "Bigomba
Guhinduka".
Uyu musore yagaragaje uko
mu 2017 aribwo yatumiwe bwa mbere mu gitaramo cy'urwenya cya Seka Live bikozwe
na Arthur Nkusi Rutura yanashimiye cyane.
Aha nyuma yaho nibwo
yihuje na Etienne batangira gukora ibiganiro by’urwenya ariko ariko birimo
inyigisho.
THIS EVENING we would be having our first international headliner at #JJCWithSLK ....all the way from RWANDA 🇷🇼 @japhetization 🕺🕺....It's gonna be a full house as @comediandeeone and @comedianphronesis would be joining us as well.
— S.L.K (@SLKomedy) March 15, 2023
Venue: Johnny Rockets V.I
Time: 6:30 - 10pm pic.twitter.com/I2GyAA7eKQ
LAST NIGHT!
— JAPHET (@japhetization) March 16, 2023
I’ve Japhetized People Living in LAGOS ! 🔥😂🔥I was very excited to headline the show meihn 🙏 but The story of how I viewed different parts of kigali straight from the plane is for the next SPECIAL 😂Thanks my brothers @SLKomedy @DeeoneComedian @phronesiscfr pic.twitter.com/W0OCej9se7
Japhet yataramiye mu
gihugu cya Nigeria ku butumire na S.L.K usanzwe utegura ibitaramo by’urwenya
Japhet avuga ko muri iki gihugu yahungukiye inshuti nyinshi
Japhet yavuze ko ku wa 19 Werurwe 2023, afite ikindi gitaramo azakorera muri iki gihugu
Ku wa 20 Gashyantare
2023, nibwo Japhet yakoze igitaramo cye cya mbere nyuma y’imyaka itanu yinjiye
mu itsinda ahuriyemo na mugenzi we Etienne
Reba hano amafoto y'igitaramo cya mbere cya Japhet wo muri 'Bigomba Guhinduka'
TANGA IGITECYEREZO