I Rubavu hazaba Derby - Uko Tombola y'igikombe cy'Amahoro muri ⅛ yagenze

Tombola yatangiye saa yine za mu gitondo (10:00') iyoborwa n'Umuyobozi w'ishami ry'amarushanwa, Karangwa Jules ahari hitabiriye abahagarariye amakipe 16 azahatana muri ⅛.

Habanje gusobanurwa amwe mu mategeko agenga iyi tombola. Havugwa ko amakipe 11 yazamutse mu cyiciro cy'ibanze yiyongereyeho atanu (Rayon Sports, Police FC, APR FC, Kiyovu SC na Mukura VS&L), yose hamwe aba 16.

Amakipe yagabanijwe mu dukangara tubiri, habaho aka mbere kagizwe n'amakipe atanu atarakinnye icyiciro cy'ibanze kongeraho amakipe atatu ya Musanze FC, Rwamagana City na Etincelles FC batsinze ibitego byinshi kurusha abandi mu ijonjora rya mbere.

Hasobanuwe ko amakipe yo mu gakangara ka mbere azabanza gukina imikino yo hanze. Nyuma akazakina imikino yo ku bibuga byayo nyuma. Amakipe yo mu gakangara ka kabiri niyo yatomboye ayo mu ka mbere.

Imwe mikino yo kwitegwa na benshi muri ⅛ cy'igikombe cy'amahoro ni uwa Derby y'i Rubavu izahuza Etincelles na Marine FC ndetse n'izahuza Rayon Sports n'ikipe y'Intare isanzwe ari Academy ya APR FC.

Jules Karangwa yasobanuriye abahagarariye amakipe ko ikipe izaserukira u Rwanda mu mikino Nyafurika ya CAF Confederation Cup ari izaba yitwaye neza mu gikombe cy'Amahoro.

Nihagira ikipe itwara igikombe cya Shampiyona n'Icy'Amahoro, muri Confederation hazajyayo ikipe yakinnye Final y'igikombe cy'Amahoro.

UKO TOMBOLA YAGENZE:

1.Ivoire Olympic Vs APR FC

2.Bugesera FC Vs Musanze FC

3.Intare Vs Rayon Sports

4.La Jeunesse v SC Kiyovu

5.Esperence Vs Rwamagana City FC

6.Sunrise FC Vs Police FC

7.Rutsiro FC Vs Mukura VS&L

8.Etincelles FC Vs Marine FC

Tony Kabanda, Umunyamabanga wa APR FC ni we watomboye mbere

Habineza Thabit yari ahagarariye Etincelles FC

Jules Karangwa, Umuyobozi w'ishami ry'amarushanwa muri FERWAFA asobanura amategeko agenga tombola

Nkurunziza Jean Paul, umuvugizi wa Rayon Sports yari ahari

AMAFOTO: NGABO M. Serge