RFL
Kigali

Bwa mbere mu myaka 26 Fc Barcelona ishobora kwambura umukinnyi Real Madrid

Yanditswe na: Aloys Niyonyungu
Taliki:27/01/2023 14:57
0


Amakipe y'amakeba akina muri shampiyona ya Espagne, ntabwo azwiho guhana abakinnyi ariko kuri iyi nshuro bishoba kubaho.



Nk'uko ibinyamakuru byo muri Espagne bibitangaza, ibiganiro birarimbanyije hagati ya Fc Barcelona na Marco Asensio ukina muri Real Madrid. Imikino uyu mukinnyi yakinaga muri iyi kipe, yaragabanyutse ndetse yakunze no kurangwa n'imvune cyane muri uyu mwaka w'imikino akaba ariyo mpamvu kuba yasohoka muri iyi kipe ari byo byoroshye kurusha kuhaguma.

Amasezerano ya Marco Assensio azarangira mu mpeshyi y'uyu mwaka kandi Real Madrid ntabwo yiteguye kuba yakongerera amasezerano uyu mukinnyi, akaba ariyo mpamvu ashobora kuzasohoka muri Real Madrid yerekeza muri Fc Barcelona yigurisha.

Umutoza wa Real Madrid, Carlo Ancelotti, kuva yagaruka muri iyi kipe Marco, Assensio w'imyaka 26 ntabwo yigeze akunda kumuha umwanya bitewe n'uko atamubonamo ubushobozi.

Marco Assensio ngo kuba atari gutanga umusaruro ni uko atishyimiye kuba muri Real Madrid ariko ngo aramutse agiye muri Fc Barcelona yakongera kuba umukinnyi uryana nka mbere.


Assensio ushobora kuva muri Real Madrid akajya muri Fc Barcelona

Mu mwaka ushize w'imikino Marco Assensio ukina anyura ku ruhande rw'ibumoso yakinnye imikino 42 muri Real Madrid, yatsinzemo ibitego 12 ndetse anatanga imipira 2 ivamo ibitego. 

Muri uyu mwaka w'imikino uyu mukinnyi yakinnye imikino 11 ariko yose yinjiraga mu kibuga asimbuye, akaba yaratsinzemo ibitego 2 ndetse anatanga umupira umwe uvamo igitego. 

Imishahara uyu mukinnyi asaba irahenze cyane, niyo mpamvu nta yandi makipe menshi cyane ari kuvugwamo kandi ni indi ngingo ituma Real Madrid itazamwongerera amasezerano.

Ntabwo bisanzwe ko umukinnyi ava muri Real Madrid ngo yerekeze muri Fc Barcelona. Muri 2000 ikipe ya Fc Barcelona yashatse kugura Luis Figo ariko Real Madrid iba ibamba. Umukinnyi uheruka kuva muri Real Madrid ajya muri Fc Barcelona ni Luis Enrique, byabaye mu 1996.


Marco Assensio ari kumwe na Benzema








TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND