Abahanzikazi babiri Rihanna na Tems baje ku rutonde rw'abahataniye ibihembo bya Oscars Awards 2023, kubera indirimbo 'Lift Me Up' bakoreye filime ya Black Panther: Wakanda Forever.
Robyn Rihanna Fenty, icyamamarekazi mu muziki hamwe na Temilade Openiyi wamamaye ku izina rya Tems baje mu bahanzikazi bahataniye ibihembo bya Oscars Awards 2023, bigiye gutangwa ku nshuro ya 95. Muri ibi bihembo bikomeye muri sinema, Rihanna na Tems bahatanye mu kiciro cyitwa 'Best Original Song' cyahariwe indirimbo zakorewe filime.
Rihanna na Tems bahataniye ibihembo bya Oscars Awards 2023
Indirimbo 'Lift Me Up' yakorewe igice cya kabiri cya filime Black Panther cyiswe 'Wakanda Forever' yanditswe n'abarimo Tems, Ryan Coogler hamwe na Ludwig Goransson bayiha Rihanna aba ariwe uyiririmba. Iyi ndirimbo by’umwihariko yatuwe nyakwigendera Chadwick Boseman.
Iyi ndirimbo niyo yatumye Rihanna na Tems bajya ku rutonde rw'abahataniye Oscars Awards 2023 mu kiciro cy'indirimbo zakorewe filime, bahuriyemo n'ibindi byamamare birimo Lady Gaga waririmbye 'Hold My Hand' yakorewe filime ya Top Gun Maverick ndetse na Sara Carson waririmbye 'Applause' yakorewe filime yitwa 'Tell It Like A Woman'.
Tems ari mu banditse 'Lift Me Up' yaririmbwe na Rihanna
Iyi ibaye inshuro ya kabiri indirimbo 'Lift Me Up' igiye guhangana mu bihembo bikomeye, dore ko ubushije yahatanye mu bihembo bya Golden Globes 2023 gusa ntiyagira amahirwe yo gutsinda.
Tems abaye umuhanzikazi wa mbere wo muri Africa uhataniye ibihembo bya Oscars.
Ibi kandi byatumye Tems ahita aba umuhanzikazi wa mbere wo muri Africa uhatanye mu bihembo bya Oscars, mu gihe Rihanna nawe aciye agahigo ko guhatana muri ibi bihembo ku ndirimbo ya mbere yaririmbye ishingiye kuri filime.
Eng
RSS 
TANGA IGITECYEREZO