RFL
Kigali

Rètine na Da Promota bakoranye indirimbo "Amen" y'isengesho ritabariza i Mulenge-VIDEO

Yanditswe na: Mupende Gedeon Ndayishimiye
Taliki:2/12/2022 13:18
0


Umusizikazi Rètine Mfurakazi yahuje imbaraga na Kimazi Reagan uzwi nka Reagan Da Promota, bakorana indirimbo bise "Amen" kubiyemo isengesho ritakambira Imana ngo itabare akace k'i Mulenge n'Abanyamulenge bose muri rusange. Bombi batuye muri Leta Zunze Ubumwe za Amerika.



Indirimbo "Amen" yageze hanze mu masaha macye ashize, isohokana n'amashusho yayo. Retine atangira abwira Imana ibihe akumbuye i Mulenge [muri Repubulika Iharanira Demokarasi ya Congo] birimo kugabirana inka, ibitaramo byiganjemo amapendo n'ingoma, uko abanyamulenge bataramaga bafite inyota yo gushaka Imana, none ubu bari mu ntambara za buri munsi.

Ati "Dukumbuye bya bitramo byiganjemo amapendo, amashyi ndetse n'ingoma Mana y'i Mulenge. Dusubize muri bya bihe bya kera wowe mugenga w'ibihe. Dukumbuye ukuntu kera twataramga dufite inyota yo kugushaka, tukagenda ijoro n'amaguru nta matara tugakongeza urumuri, tukajya gushaka wowe Mana y'abanyamulenge.

None Mana dore turi mu ntambara za buri munsi, amarira n'agahinda nibyo bituranga. Sinzi amaherezo y'ibi bintu. None Mana dore ni wowe nyiri ubutware n'ubushobozi, uhindura ibihe n'amateka, dutabare twongere tube muri cya gihugu cyiza. Cy gihugu cyagirga amat meza taratekwaga, cya gihugu cy'ubumwe, cya gihugu ba sogokuru basangiriraga ku nkongoro imwe."

Da Promota amwunganira abwira Imana icyifuzo kimuri ku mutima, ati "Uzazane amahoro iwacu twisubirireyo. Mana Data nyiri ibihe n'ibitangaza, Imana y'i Mulenge yabanye natwe kuva kera n'ubu, ni ukuri turagusabye turatakambye wongere utwiyereke. Uduhindurire amateka abana bawe dufite agahinda n'ibikomere byinshi mu mitima yacu. Turagusaba ko wadukiriza igihugu kuko inkovu zacyo uzizi Mana".


Da Promota arambye mu muziki usingiza Imana

Reagan Da Promota asanzwe ari umuhanzi ndetse w'umuhanga ukunze no gufasha abanyempano bshya. Azwi mu ndirimbo "Ingabire", "Ndagushima", "Warabikoze" na "Isengesho". Yabwiye inyaRwanda ko "Amen" ari isengesho ryo gutakambira Imana ko yabana na DRC ihoramo intambara zishingiye ku moko, aho hibasirwa hakanahohoterwa ubwoko bw'Abanyamulenge.

Rètine Mfurakazi wakoranye iyi ndirimbo na Da Promota, ni umukobwa w'imyaka 20, akaba mwene Nkurunziza, Nkurunziza wa Eliya, Eliya wa Birengo, Birengo wa Ruvubika, Ruvubika wa Serutende, Serutende wa Rutogogo. Ni umugunga wo mu nzu ya Rukuzangabo. Ni ko yivuga mu bisigo bye.

Amaze imyaka itatu yinjiye mu busizi. Igisigo cye cya mbere kiri kuri shene ye ya Youtube ni "Humura Mulenge", kikaba kimazeho amezi 9. Indi mivugo amaze gukora ni: "Hora Mulenge", "Mpore Mulenge", "Umuco w'iwacu" na "Rya Joro".


Retine arakataje mu busizi

Imivugo ye yose yibanda ku gutabariza ubwoko bw'Abanyamulenge nawe abarizwamo. Ni ubutumwa buhura n'intego afite mu busizi yo kuba ijwi ry'abatagira kivugira n'abarengana bose muri rusange. Avuga ko atazaceceka ubwoko bwe bw'Abanyamulenge butarabona ubutabera.

Uyu musizi uri kuminuza mu masomo y'Ikiganga, yabwiye inyaRwanda ati "Bavuga ko intwari atari ijya ku rugamba gusa. Kugeza uyu munsi, ntabwo nzaceceka ubwoko bwanjye butarabona ubutebera. Nzakomeza kwandika imivugo, nibanda ku gutabariza ubwoko ndetse nandike n'izindi zitandukanye nka Gospel dore ko nkunda Gospel cyane".

Muri DRC, hakunze kumvikana inkuru z'akababaro z'iyicwa n'ihohoterwa ry'Abanyamulenge, nyamara akenshi Isi igaceceka. Ni intambara imaze imyaka irenga 20 abanyamulenge babuzwa amahwemo n'uburenganzira mu gihugu cyabo. Ibi biri mu byatumye Retine azamura ijwi rye. Ubuvugizi bwe abukora binyuze mu busizi aho magingo aya amaze gukora imivugo itanu.

Indirimbo nsha "Amen" ya Retine na D Promota yakozwe mu muryo bw'amajwi na Sean Brizz, amashusho afatwa na Axel Pixel ubarizwa muri Amerika aho Da Promota byamufashe gufata indege yerekeza muri New York ari ho amashusho yafatiwe. Aya mashusho yaje kurangizwa n'umusore w'umuhanga BJC Official uba i Kigali ukunze gukorana n'ibyamamare byinshi.


Retine akunze gukora ibisigo bitabariza i Mulenge


Da Promota azwiho gushyigikira impano nshya muri Gospel

REBA HANO INDIRIMBO "AMEN" YA RETINE FT DA PROMOTA







TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND