BePawa
Kigali

Abantu 13 bishwe n'umugabo mu gitero cy'iterabwoba yakoreye ku ishuri yizeho

Yanditswe na: Ngabonziza Justin
Taliki:27/09/2022 6:17
0


Mu gihugu cy'u Burusiya, umugabo w'imyaka 34 yishe abantu 13 bari ku kigo cy'ishuri yigiyemo akiri muto. Abantu bapfuye barimo abana 7 ndetse abandi 20 bakomeretse.



Umugabo witwa Artyom Kazantsev ufite imyaka 34, niwe wishe  abantu 13 akoresheje intwaro. Uyu mugabo biravugwa ko yari afite imbunda  ebyiri, ari nazo yicishije abantu.

Icyo gitero cy'iterabwoba cyabereye mu mujyi wa Izhevsk, mu birometero 960 uvuye mu murwa mukuru Moscow mu ntara ya Udmitric.

Alexandre Brechelov, Guverineri w'intara yabereyemo ayo mahano yatangaje ko uwarashe abo bantu nawe yirashe arapfa.

 Dimitry Pescov, umuvugizi wa Vradimir Putin yabwiye itangazamakuru  ko ibyakozwe ari igitero cy'iterabwoba. Yavuze ko Perezida Vradimir Putin yunamiye abana n'abandi bishwe n'uwo mwiyahuzi.

Inzego zishinzwe iperereza zahise zitangira iperereza, kugira ngo hamenyekane uburyo uyu mugambi w'icyo gikorwa cy'iterabwoba wateguwe. Amakuru agaragaza ko uyu mugabo  warashe abari ku kigo cy'ishuri yari yambaye umwenda uriho ikimenyetso cy'abanazi.

Ishuri ribanza ryakorewe icyo gitero, ryigwaho n'abana bari hagati y'umwaka umwe n'imyaka 11.

Ivomo: Cbs news/ Reuters






TANGA IGITECYEREZO

Izina ryawe
Email yawe
Andika igitecyerezo


Safari

Inyarwanda BACKGROUND