Umugabo w'imyaka 24 wanduye iki cyorezo cya Ebola muri Uganda yapfuye. Ibi bibaye nyuma y’aho inzego zishinzwe ubuzima muri iki gihugu zemeje ko Ebola yahageze.
Minisitiri w'ubuzima wa
Uganda, Jane Aceng yabwiye abanyamakuru ko umuntu wishwe na Ebola yagaragaje
ibimenyetso byayo mbere y’uko iyi ndwara imwica. Uyu mugabo w’imyaka 24 y’amavuko
kandi yari
atuye mu cyaro cya Ngabano mu karere ka Mubende, kari ku ntera ya kilometero
hafi 147 uvuye mu murwa mukuru Kampala.
Mu itangazo, ishami
ry'Umuryango w'Abibumbye ryita ku Buzima (OMS/WHO) ryavuze ko Ebola ari yo mu
bwoko budakunze kuboneka, avuga ko ari
Ebola igaragara cyane muri Sudan nk’uko byemejwe n'ikigo cya Uganda
cy'ubushakashatsi kuri za virusi.
OMS ivuga ko abantu umunani bakekwaho kugira ibimenyetso bya Ebola barimo kwitabwaho n’abaganga, kandi ko Uganda irimo kohereza abakozi bayo muri ako gace yagaragayemo. Uganda yaherukaga gutangaza ubwandu bw'ubwo bwoko bwa Ebola mu mwaka wa 2012. Dr Matshidiso Moeti, ukuriye Akarere k'Afurika muri OMS, yagize ati:"Ku bw'ubuzobere bwa Uganda, habaye igikorwa cyo mu buryo bwihuse mu kumenya virusi kandi dushobora gushingira icyizere cyacu kuri ubu bumenyi, kugira ngo duhagarike ikwirakwira ry'ubwandu".
TANGA IGITECYEREZO