Abashinzwe isomero n’ababafasha mu kwakira ibitabo ku bigo by’amashuri bagera ku bihumbi bitatu na magana atanu na mirongo ine (3540), nibo bari guhugurwa ku mategeko y’isomero no guteza imbere umuco wo gusoma mu bigo by’amashuri.
Gusoma ni imwe mu nkingi ya mwamba mu burezi bw’u
Rwanda ndetse no ku isi muri rusange. Gusoma ni byo bifasha umwana kuba yavumbura
n’ibyo mwarimu atamuhaye bityo akaba yabasha kumenya byinshi byisumbuyeho.
Kuri uyu wa mbere rero tariki 05 Kamena 2022, Ikigo cy’igihugu cy’Uburezi gishinzwe amashuri abanza n’ayisumbuye, REB, cyatangiye guhugura abashinzwe amasomero n’abayakoramo kimwe n’abafasha mu kwakira ibitabo mu kubafasha kumenya neza amategeko agenga isomero n’uko hakomeza gutezwa imbere umuco wo gusoma mu banyeshuri.
Muri aya magahugurwa ayobowe n’umuyobozi wa REB, Mbarushimana Nelson, abayitabiriye basabwe kumenya neza ko ibitabo bahabwa
bikoreshwa neza kandi bikabikwa neza mu rwego rwo kuba byamara igihe aho
gufatwa nabi kandi ntibinakoreshwe uko bikwiye.
Eng
RSS 
TANGA IGITECYEREZO