Abanyamakuru barimo Cleophas Barore, Uwera Jean Maurice na Ticien Mbangukira bari muri 533 basoje Kaminuza mu Ishuri Rikuru Gatolika rya Kabgayi

Ni umuhango witabiriwe n’abashyitsi bakuru batandukanye barimo Musenyeri Smaragde Mbonyintege, Visi Mayor w’Akarere ka Muhanga ushinzwe ubukungu n’imibereho myiza  ndetse n’abandi bashyitsi batandukanye, ukaba kandi wanitabiriwe n’ababyeyi b’abanyeshuri basoje amasomo yabo. Umuyobozi w'Ikirenga (Chancellor) wa ICK yasabye abahawe impamyabumenyi kwerekana ubuhanga bwabo n'indangagaciro ndetse bakagira ikinyabupfura aho bazaba bari hose kuko ari byo bizabafasha.

Abanyamakuru bakomeye basanzwe bazwi mu gihugu nka Cleophas Barore wa RBA, Uwera Jean Maurice wa RBA, Didace Niyifasha wa Radio Inkoramutima, Issa Kwigira, Titien Mbangukira wa Radio Izuba, Rugambwa Gerald, Steven Karasira wa Radio Umucyo, Tasha Laiika wa BB Fm-Umwezi, Padiri Fidele Mutabazi wa kinyamateka nabo bari mu basoje amasomo yabo y'icyiciro cya kabiri cya Kaminuza mu itangazamakuru n'andi mashami.

Abahawe impamyabumenyi b'indashyikirwa bahize abandi mu manota bahawe ibihembo na Banki ya Kigali ndetse  na Equity Bank. Babiri ba mbere bahize abandi bahembwe miliyoni imwe y'amanyarwanda bakaba bazihawe na BK naho abandi bahabwa Laptop zifite agaciro ka Miliyoni imwe n’ibihumbi magana abiri bazihabwa na Equity Bank. Abanyeshuri bose hamwe basoje amasomo yabo kuri iyi nshuro ni 533.

Abanyeshuri 533 nibo basoje Kaminuza muri ICK kuri iyi nshuro

Abanyeshuri babaye aba mbere bahembwe na Bank of Kigali

Cleophas Barore ndetse n'abandi banyeshuri basoje amasomo mu ishami ry'itangazamakuru

Musenyeri Smaragde Mbonyintege ndetse na Padiri Baritazari 

Abanyamakuru bakomeye bari mu bahawe impamyabumenyi y'icyiciro cya kabiri cya Kaminuza muri ICK

Tasha Laiika mu byishimo byo gusoza icyiciro cya kabiri cya Kaminuza mu itangazamakuru